ತೀರ್ಥಹಳ್ಳಿ: ತಾಲ್ಲೂಕಿನ ಕೋಣಂದೂರು ಸಮೀಪದ ಕೋಟೆಗದ್ದೆ ಎಂಬಲ್ಲಿ ಚಲನಚಿತ್ರ ನಟ ರಾಘವೇಂದ್ರ ರಾಜ್ ಕುಮಾರ್ ಅವರ ಪುತ್ರ ವಿನಯ್ ರಾಜ್ ಕುಮಾರ್ ನಟಿಸಲಿರುವ ಚಿತ್ರ ‘ಅಂದೊಂದಿತ್ತು ಕಾಲ’ ಎಂಬುದರ ಶೂಟಿಂಗ್ ಕಾರ್ಯ ನಡೆಯುತ್ತಿದೆ.
ಇದು 90 ರ ದಶಕದ ಕತೆಯನ್ನು ಹೇಳುವ ಸಿನಿಮಾವಾಗಿದ್ದು, ಅಂದರೆ 1990ರಿಂದ 2006ರವರೆಗಿನ ಕಾಲಘಟ್ಟದಲ್ಲಿ ನಡೆಯುವ ಮೂರು ಕಾಲ ಘಟ್ಟದ ಪಯಣದ ಹೆಜ್ಜೆ ಗುರುತುಗಳು ಈ ಚಿತ್ರದಲ್ಲಿದೆಯಂತೆ.
90 ದಶಕದಲ್ಲಿನ ವಾತಾವರಣ ಹೇಗಿತ್ತು?, ಈಗಿನ ಕಾಲದ ಜನಜೀವನ ಹೇಗಿದೆ? ಇವೆರಡರ ಮಿಶ್ರಣವೇ ಈ ಚಿತ್ರದ ಮೂಲ ಕಥೆ. ತೀರ್ಥಹಳ್ಳಿ ಸುತ್ತಮುತ್ತ ಹಾಗೂ ಬೆಂಗಳೂರು ಸುತ್ತಮುತ್ತ ಈ ಚಿತ್ರದ ಚಿತ್ರೀಕರಣ ನಡೆಯಲಿದೆ.
ಈ ಚಿತ್ರದ ನಾಯಕಿ ಅದಿತಿ ಪ್ರಭುದೇವ. ಚಿತ್ರದ ಮತ್ತೊಬ್ಬ ನಾಯಕಿಯಾಗಿ ‘ಗಟ್ಟಿಮೇಳ’ ಖ್ಯಾತಿಯ ನಿಶಾ (ಅಮೂಲ್ಯ) ಕಾಣಿಸಿಕೊಳ್ಳುತ್ತಿದ್ದಾರೆ. ಅಭಿಷೇಕ್‌ ಜಿ.ಕಾಸರಗೋಡು ಈ ಚಿತ್ರಕ್ಕೆ ಕ್ಯಾಮೆರಾ ಹಿಡಿಯುತ್ತಿದ್ದಾರೆ.
ಜಾಹಿರಾತು
