ದಕ್ಷ ಪ್ರಾಮಾಣಿಕ ಪಿಎಸ್ಐ ರಾಜೇಂದ್ರನಾಯಕ್ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಅವಹೇಳನಕಾರಿಯಾಗಿ ಚಿತ್ರಿಕರಿಸಿ ಪ್ರಚಾರ ಪಡಿಸುತ್ತಿರುವವರ ಮೇಲೆ ತಕ್ಷಣ ಕ್ರಮ ಕೈಗೊಳ್ಳಿ

0
2304

ಹೊಸನಗರ: ಪಟ್ಟಣದ ವ್ಯಾಪ್ತಿಯಲ್ಲಿ ದಕ್ಷ ಹಾಗೂ ಪ್ರಾಮಾಣಿಕ ಮತ್ತು ನಿಷ್ಟಾವಂತ ಅಧಿಕಾರಿ ಹೊಸನಗರ ಪೊಲೀಸ್ ಠಾಣಾ ಸಬ್ ಇನ್ಸ್‌ಪೆಕ್ಟರ್ ರಾಜೇಂದ್ರನಾಯಕ್ ರವರ ವಿರುದ್ಧ ನಿರಂತರ ನಿಂದನೆ ಹಾಗೂ ಸೇವೆ ಮಾಡಲು ಅಡ್ಡಿಪಡಿಸುವಂತಹ ಘಟನೆ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರತಿನಿತ್ಯ ನಡೆಯುತ್ತಿದ್ದು ಇದನ್ನು ವಿರೋಧಿಸಿ ಹೊಸನಗರದ ಗೌರವ ಉಳ್ಳ ಪ್ರಮುಖರು ಹೊಸನಗರ ಕೋರ್ಟ್ ಸರ್ಕಲ್‌ನಿಂದ ಪೊಲೀಸ್ ಠಾಣೆಯವರೆಗೆ ಭಿತ್ತಿಪತ್ರವನ್ನು ಹಿಡಿದು ಪ್ರತಿಭಟಿಸಿ ಹೊಸನಗರದ ಸರ್ಕಲ್ ಇನ್ಸ್‌ಪೆಕ್ಟರ್ ಮಧುಸೂದನ್ ಹಾಗೂ ತಹಶೀಲ್ದಾರ್ ವಿ.ಎಸ್ ರಾಜೀವ್‌ರವರಿಗೆ ಮನವಿ ಪತ್ರ ಸಲ್ಲಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟರ್ ಹಾಕುವವರ ವಿರುದ್ಧ ಹಾಗೂ ಮಾತನಾಡುವವರ ವಿರುದ್ಧ ತಕ್ಷಣ ಕ್ರಮ ಕೈಗೊಳ್ಳಬೇಕೆಂದರು.

ಮನವಿ ಪತ್ರದಲ್ಲಿ ಹೊಸನಗರದ ಸಬ್‌ಇನ್ಸ್‌ಪೆಕ್ಟರ್ ರಾಜೇಂದ್ರ ನಾಯಕ್‌ರವರು ಎರಡು ವರ್ಷಗಳಿಂದ ಹೊಸನಗರ ಜನತೆಗೆ ನೊಂದವರಿಗೆ ನ್ಯಾಯ ಕೊಡಿಸುವುದರಲ್ಲಿ ನಿಷ್ಟೆಯವರಾಗಿದ್ದು ಆದರೆ ಇಂಥಹ ದಕ್ಷ ಅಧಿಕಾರಿಗಳ ವಿರುದ್ಧ ಸಾಮಾಜಿಕ ಜಾಲತಾಣಗಳಲ್ಲಿ ಅವಹೇಳನಕಾರಿ ರೀತಿ ವಿಡಿಯೋ ಚಿತ್ರಿಕರಿಸಿ ಸಾಮಾಜಿಕ ಜಾಲತಾಣದಲ್ಲಿ ಹಿರಿದುಬಿಟ್ಟು ಇವರ ವಿರುದ್ಧ ಷಡ್ಯಂತರ ರೂಪಿಸಿರುವ ಹೊಸನಗರದ ಕೆಲವು ಕಿಡಿಗೇಡಿಗಳು ಸಮಾಜಘಾತಕರು ಬೇರೆ ಬೇರೆ ಕಳ್ಳ ದಂಧೆ ಡ್ರಕ್ಸ್ ಮಾಫಿಯ, ಹೆಣ್ಣು ಮಕ್ಕಳಿಗೆ ಕೆಲಸದ ಆಮಿಷವನ್ನು ತೋರಿಸಿ ಅನೈತಿಕ ಸಂಬಂಧಗಳಿಗೆ ಬಳಸುವುದು ಮರಳು ಕಲ್ಲುಕ್ವಾರೆ, ಗಾಂಜಾಗಳ ಸರಬರಾಜು ವಿವಿಧ ಕೆಟ್ಟ ವ್ಯವಹಾರ ಮಾಡಿಸುವವರನ್ನು ಮಟ್ಟ ಹಾಕಿರುವುದರ ಜೊತೆಗೆ ಇವರ ವ್ಯವಹಾರಗಳನ್ನು ಬಯಲಿಗೆಳೆದ ಪೊಲೀಸ್ ಇಲಾಖೆಯ ಸಬ್ ಇನ್ಸ್‌ಪೆಕ್ಟರ್ ವಿರುದ್ಧ ಇವರು ಷಡ್ಯಂತ್ರ ರೂಪಿಸುತ್ತಿದ್ದು ಇದರ ಜೊತೆಗೆ ಪೊಲೀಸ್ ಇಲಾಖೆಯ ನಿಷ್ಟಾವಂತ ಹಾಗೂ ದಕ್ಷ ಅಧಿಕಾರಿಯ ವಿರುದ್ಧ ಷಡ್ಯಂತ್ರ ರೂಪಿಸುತ್ತಿದ್ದು ಇಲಾಖೆಯ ಅಧಿಕಾರಿಗಳು ಮತ್ತು ಪೊಲೀಸ್ ಇಲಾಖೆಯ ಮೇಲಿಟ್ಟಿರುವ ಗೌರವನ್ನು ಹಾಳು ಮಾಡುತ್ತಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ಚಿತ್ರಿಕರಿಸಿ ಹರಿದುಬಿಟ್ಟಿರುವ ಸಮಾಜಘಾತುಕರನ್ನು ತಕ್ಷಣ ಬಂಧಿಸಬೇಕು ಕಾನೂನು ಕ್ರಮ ಕೈಕೊಳ್ಳಬೇಕೆಂದು ಮನವಿ ಪತ್ರದಲ್ಲಿ ತಿಳಿಸಿದ್ದಾರೆ.

ಜಾಹಿರಾತು

LEAVE A REPLY

Please enter your comment!
Please enter your name here