ಹೊಸನಗರ : ಶಾಲೆಗಳು ಆರಂಭವಾಗಿ 20 ದಿನಗಳಾದರೂ ಪಠ್ಯಪುಸ್ತಕಗಳು ಇನ್ನು ಮಕ್ಕಳ ಕೈಗೆ ಸಿಗದೆ ಪಠ್ಯ ಚಟುವಟಿಕೆಗಳು ಇಲ್ಲದೆ ಶಾಲೆಯಲ್ಲಿ ವೃತಾ ಕಾಲಕಳೆಯುವ ಪರಿಸ್ಥಿತಿಯನ್ನು ಸರ್ಕಾರ ನಿರ್ಮಾಣ ಮಾಡಿದ ಬಗ್ಗೆ ಪೋಷಕರು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಇನ್ನು ಪಠ್ಯಪುಸ್ತಕಗಳು ಮುದ್ರಣಗೊಂಡು ಅಲ್ಲಿಂದ ಶಿಕ್ಷಣಾಧಿಕಾರಿಗಳ ಗೋದಾಮಿಗೆ ಬಂದು ನಂತರ ತಾಲೂಕಿನ ಮೂಲೆಯ ಶಾಲೆಗಳಿಗೆ ತಲುಪಿ ಮಕ್ಕಳ ಕೈಗೆ ತಲುಪಿಸುವುದು ಸಾಹಸದ ಕೆಲಸವಾಗಿದೆ.
ಪ್ರತಿ ಪೋಷಕರು ತಮ್ಮ ಮಕ್ಕಳ ಶಿಕ್ಷಣಕ್ಕಾಗಿ ಎಲ್ಲದಕ್ಕೂ ಸಿದ್ಧರಿದ್ದು ಮಕ್ಕಳ ಶೈಕ್ಷಣಿಕ ವರ್ಷದ ಆರಂಭದಲ್ಲಿ ಸರ್ಕಾರ ಎಡವುತ್ತಿರುವುದರ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಪಠ್ಯಪುಸ್ತಕಗಳ ಸಮಸ್ಯೆಯೊಂದಿಗೆ ಶಾಲಾ ಕೊಠಡಿಗಳ ಹಾಗೂ ಶಿಕ್ಷಕರ ಕೊರತೆ ಸಮಸ್ಯೆ ಸಹ ಎದುರಾಗಿದೆ.
ರಾಜ್ಯದಲ್ಲಿ ಹಿಜಾಬ್, ಹಲಾಲ್, ಅಜಾನ್ ವಿವಾದಗಳ ಬೆನ್ನಲ್ಲೇ ಪಠ್ಯಪುಸ್ತಕ ಪರಿಷ್ಕರಣೆ ಗೊಂದಲ ಸರ್ಕಾರವನ್ನು ಇರಿಸು-ಮುರಿಸು ಮಾಡಿದಂತಾಗಿದೆ.
ಈಗಾಗಲೇ ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಕಚೇರಿಗೆ 1,40,000ಕ್ಕೂ ಹೆಚ್ಚು ವಿವಿಧ ತರಗತಿಯ ಪಠ್ಯ ಪುಸ್ತಕಗಳ ಸರಬರಾಜಾಗಿ ಗೋದಾಮಿನಲ್ಲಿ ರಾಶಿ ಬಿದ್ದಿದೆ. ಇವುಗಳಲ್ಲಿ ಬಹುತೇಕ ವಿತರಣೆಯಾಗಿದೆ ಉಳಿದ ಪುಸ್ತಕಗಳ ರಾಶಿ. ಪರಿಷ್ಕೃತ ಮುದ್ರಣದ ಪುಸ್ತಕಗಳು ಬಂದನಂತರ ವಿಲೇವಾರಿ ಆಗಬೇಕಾಗಿದೆ.
ಜಾಹಿರಾತು
