ರಾಬರ್ಟ್ ಸಿನಿಮಾ ನನ್ನ ಜೀವನದಲ್ಲಿ ಪ್ರಮುಖ ತಿರುವು ತಂದಿದೆ: ಆಶಾ ಭಟ್

0
572

ಶಿವಮೊಗ್ಗ : ರಾಬರ್ಟ್ ಸಿನಿಮಾ ನನ್ನ ಜೀವನದಲ್ಲಿ ಪ್ರಮುಖ ತಿರುವು ತಂದಿದೆ ಎಂದು ಚಿತ್ರದ ನಾಯಕ ನಟಿ ಭದ್ರಾವತಿಯ ಮೂಲದ ಆಶಾ ಭಟ್ ಹೇಳಿದ್ದಾರೆ.

ಅವರು ಇಂದು ಶಿವಮೊಗ್ಗ ಮತ್ತು ಭದ್ರಾವತಿಗೆ ತನ್ನ ಅಭಿನಯದ ರಾಬರ್ಟ್ ಚಿತ್ರದ ಪ್ರಮೋಷನ್‌ಗಾಗಿ ನಗರದ ಶಿವಪ್ಪನಾಯಕ ಮಾಲ್‌ನಲ್ಲಿ ಭಾರತ್ ಸಿನಿಮಾಕ್ಕೆ ಭೇಟಿ ನೀಡಿ ಬಳಿಕ ಸುದ್ದಿಗಾರರೊಂದಿಗೆ ಮಾತನಾಡಿದರು.

ಮೊದಲಿಗೆ ಹಿಂದಿ ಚಲನ ಚಿತ್ರ ಜಂಗ್ಲಿಯಲ್ಲಿ ನಟಿಸಿದ್ದೆ. ನಂತರ ದೊರೆತ ಅವಕಾಶವೇ ರಾಬರ್ಟ್. ರಾಬರ್ಟ್ ಚಲನಚಿತ್ರ ನನ್ನ ಜೀವನದ ಐತಿಹಾಸಿಕ ತಿರುವು ಪಡೆದುಕೊಳ್ಳಲಿದೆ. ಖ್ಯಾತ ಹೀರೋ ದರ್ಶನ್ ಜೊತೆಗೆ ನಟಿಸಲು ಸಿಕ್ಕಿದ ಸುವರ್ಣ ಅವಕಾಶ ಸಿಕ್ಕಿದ್ದು ನನಗೆ ಹೆಚ್ಚಿನ ಕೀರ್ತಿಯನ್ನು ಮತ್ತು ಅಭಿಮಾನಿಗಳನ್ನು ಕೊಟ್ಟಿದೆ ಎಂದರು.

ಈ ಚಿತ್ರವನ್ನು ಇಡೀ ಕುಟುಂಬ ಒಟ್ಟಾಗಿ ಕುಳಿತು ನೋಡಬಹುದಾಗಿದ್ದು, ಸಂಪೂರ್ಣ ಮನರಂಜನೆ ನೀಡಲಿದೆ ಎಂದರು.

ನಾಯಕ ನಟ ದರ್ಶನ್ ಜೊತೆಗಿನ ನಟನೆಯ ಅನುಭವದ ಕುರಿತು ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಅವರು, ಶೂಟಿಂಗ್ ನಲ್ಲಿ ದರ್ಶನ್ ಒಬ್ಬ ಜಂಟಲ್ ಮ್ಯಾನ್, ಸೆಟ್‌ನಲ್ಲಿ ದರ್ಶನ್‌ಗೆ ನಾನು ಎಂಬ ಅಹಂ ಇಲ್ಲ. ನಾವು ಎಂಬ ಒಗ್ಗಟ್ಟಿನ ಜಪ ಜಪಿಸುತ್ತಾರೆ. ಆ ಗುಣ ನನಗೂ ಇಷ್ಟ ಶೂಟಿಂಗ್ ಮುಗಿದ ಮೇಲೂ ಎಲ್ಲರೂ ಒಟ್ಟಾಗಿ ಕುಳಿತು ಚಿತ್ರದ ಬಗ್ಗೆ ವಿಚಾರ ವಿಮರ್ಶೆ ಮಾಡುತ್ತಿದ್ದೆವು. ದರ್ಶನ ಅಭಿಮಾನಿಗಳಂತೂ ಅತ್ಯಂತ ಖುಷಿಪಟ್ಟಿದ್ದಾರೆ. ಇಡೀ ತಂಡ ಚಿತ್ರಕ್ಕೆ ನ್ಯಾಯ ಒದಗಿಸಿದ್ದು, ಟೀಮ್ ವರ್ಕ್ ಆಗಿ ಎಲ್ಲರೂ ಕೆಲಸ ಮಾಡಿದ್ದಾರೆ. ಚಿತ್ರದ ಸಂಗೀತಾ ಮತ್ತು ನಿರ್ದೇಶನ ಮತ್ತು ಎಲ್ಲಾ ಕಲಾವಿದರಅಭಿನಯವನ್ನು ಜನರು ಮೆಚ್ಚಿದ್ದಾರೆ ಎಂದರು.

ಸುದ್ದಿಗೋಷ್ಠಿಯಲ್ಲಿ ಆಶಾ ಭಟ್ ತಾಯಿ ಶ್ಯಾಮಲ ಭಟ್, ವೀರಭದ್ರೇಶ್ವರ ಚಿತ್ರಮಂದಿರದ ನಿರ್ಮಾಪಕರಾದ ಎನ್.ಜೆ. ವೀರಣ್ಣ, ವಿತರಕರಾದ ಡಿಸಿ ಮೋಹನ್ ಮೊದಲಾದವರು ಇದ್ದರು.

ಜಾಹಿರಾತು

LEAVE A REPLY

Please enter your comment!
Please enter your name here