ಹೊಸನಗರದಲ್ಲಿ ಅತ್ಯಧಿಕ 18 ಸೆಂ.ಮೀ. ಮಳೆ! ಲಿಂಗನಮಕ್ಕಿ ಜಲಾಶಯ ಭರ್ತಿಗೆ 4.5 ಅಡಿ ನೀರು ಬಾಕಿ

0
813

ಹೊಸನಗರ : ಲಿಂಗನಮಕ್ಕಿ ಜಲಾಶಯಕ್ಕೆ ನೀರುಣಿಸುವ ಪ್ರಧಾನ ಜಲಾನಯನ ಪ್ರದೇಶವಾದ ಹೊಸನಗರ ತಾಲೂಕಿನಾದ್ಯಂತ ಪುಬ್ಬ ಮಳೆ ಅಬ್ಬರದಿಂದ ಸುರಿಯುತ್ತಿದ್ದು ಭಾನುವಾರ ಬೆಳಿಗ್ಗೆ 8ಗಂಟೆಗೆ ಅಂತ್ಯಗೊಂಡಂತೆ ಕಳೆದ 24 ಗಂಟೆಗಳಲ್ಲಿ ಹೊಸನಗರದಲ್ಲಿ ಅತ್ಯಧಿಕ 182 ಮಿ.ಮೀ. ಮಳೆ ದಾಖಲಾಗಿದೆ.

ಉಳಿದಂತೆ ಸಾವೆಹಕ್ಲುವಿನಲ್ಲಿ 140, ಮಾಸ್ತಿಕಟ್ಟೆಯಲ್ಲಿ 126, ಹುಲಿಕಲ್ಲಿನಲ್ಲಿ 121, ಚಕ್ರಾನಗರದಲ್ಲಿ 109, ಬಿದನೂರು ನಗರದಲ್ಲಿ 92, ಯಡೂರಿನಲ್ಲ 88 ಮತ್ತು ಲಿಂಗನಮಕ್ಕಿಯಲ್ಲಿ 35.2 ಮಿಲಿಮೀಟರ್ ಮಳೆ ದಾಖಲಾಗಿದೆ.

ತಾಲೂಕಿನೆಲ್ಲೆಡೆ ಮಳೆ ಸುರಿಯುತ್ತಿರುವುದರಿಂದ ಜಗದ್ವಿಖ್ಯಾತ ಜೋಗ ಜಲಪಾತ ಭೋರ್ಗರೆಯುತ್ತಿದ್ದು ಪ್ರವಾಸಿಗರ ಕಣ್ಮನ ತಣಿಸುತ್ತಿವೆ.

1819 ಅಡಿ ಗರಿಷ್ಠ ಮಟ್ಟದ ಲಿಂಗನಮಕ್ಕಿ ಜಲಾಶಯದ ನೀರಿನ ಮಟ್ಟ 1814.50 ಅಡಿ ತಲುಪಿದ್ದು ಕಳೆದ ವರ್ಷದ ದಿನ 1808.35 ಅಡಿಗಳಷ್ಟಿದ್ದು ಜಲಾಶಯಕ್ಕೆ 17248 ಕ್ಯೂಸೆಕ್ ನೀರು ಹರಿದು ಬರುತ್ತಿದೆ.

ತಾಲೂಕಿನ ಉಳಿದ ಜಲಾಶಯಗಳ ನೀರಿನ ಮಟ್ಟ:

ಮಾಣಿ ಡ್ಯಾಂ 587.16 ಮೀ.

ಪಿಕಪ್ ಡ್ಯಾಂ 562.36 ಮೀ.

ಚಕ್ರಾ ಡ್ಯಾಂ 569.62 ಮೀ.

ಸಾವೇಹಕ್ಲು 576.92 ಮೀ.

ಜಾಹಿರಾತು

LEAVE A REPLY

Please enter your comment!
Please enter your name here