ರಿಪ್ಪನ್‌ಪೇಟೆ: ಸಮೀಪದ ಇತಿಹಾಸ ಪ್ರಸಿದ್ದ ಹುಂಚ ಮುತ್ತಿನಕೆರೆಯಲ್ಲಿ ನೀರು ನಾಯಿಗಳ ಹಿಂಡು ಏಕಾಏಕಿ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿದೆ.
ಪುರಾಣ ಪ್ರಸಿದ್ದವಾಗಿರುವ ಹುಂಚದ ಮುತ್ತಿನಕೆರೆಯು ಕೋಡೂರು – ನಾಗರಹಳ್ಳಿ ಮಾರ್ಗದಲ್ಲಿದ್ದು, ಈ ಕೆರೆಯಲ್ಲಿ ದಿಢೀರ್ ನೀರು ನಾಯಿಗಳು ಕೆರೆಯ ನೀರಿನಲ್ಲಿ ಗುಂಪು ಗುಂಪಾಗಿ ಕಾಣಿಸಿಕೊಂಡಿದ್ದು ಕಾರಿನಲ್ಲಿ ಸಂಚರಿಸುತ್ತಿದ್ದವರು ತಮ್ಮ ಮೊಬೈಲ್ ನಲ್ಲಿ ದೃಶ್ಯ ಸೆರೆಹಿಡಿದಿದ್ದಾರೆ.
ಕಾಡಿನ ಕೆರೆ, ನದಿಯಲ್ಲಿ ಕಾಣಸಿಗುವ ಈ ನೀರು ನಾಯಿಗಳು ನಾಡಿನಲ್ಲಿ ಪ್ರತ್ಯಕ್ಷಗೊಂಡು ಅಚ್ಚರಿ ಮೂಡಿಸಿದ್ದು ಒಟ್ಟಾರೆಯಾಗಿ ಕಳೆದ ವರ್ಷ ಮಳೆಯ ಕೊರತೆಯಿಂದಾಗಿ ಅಂತರ್ಜಲ ಸಹ ಕ್ಷೀಣಿಸಿ ಕೆರೆಕಟ್ಟೆಗಳು ಒಣಗಿ ಹೋಗಿದ್ದು ಬಿಸಿಲ ತಾಪದಿಂದಾಗಿ ಕಾಡುಪ್ರಾಣಿಗಳು ನಾಡಿಗೆ ಬರುತ್ತವೆ ಎಂಬ ಮಾತು ಮುತ್ತಿನಕೆರೆಯಲ್ಲಿ ಕಾಣಿಸಿಕೊಂಡ ಈ ನೀರು ನಾಯಿಗಳಿಂದ ಸಾಕ್ಷಿಯಾಗಿದೆ.
