ಹೊಸನಗರ: ಶಿವಮೊಗ್ಗ, ಚಿತ್ರದುರ್ಗ ಹಾಗೂ ದಾವಣಗೆರೆ ಜಿಲ್ಲೆಗಳಲ್ಲಿ 45 ದಿನಗಳ ಕಾಲ ನಂದಿನಿ ಹಾಲು ಉತ್ಪಾದಕರ ಒಕ್ಕೂಟದ ವತಿಯಿಂದ ನಂದಿನಿ ಘಟಕದಿಂದ ಉತ್ಪಾದಿಸಿಸುವ ಸಹಿ ವಸ್ತುಗಳ ಬೆಲೆಯಲ್ಲಿ 20% ರಿಯಾಯಿತಿ ದರದಲ್ಲಿ ಗ್ರಾಹಕರಿಗೆ ನೀಡಲಾಗುತ್ತದೆ ಎಂದು ಶಿವಮೊಗ್ಗ ಹಾಲು ಒಕ್ಕೂಟದ ನಿರ್ದೇಶಕ ವಿದ್ಯಾಧರ್‌ರವರು ಹೇಳಿದರು.
ಹೊಸನಗರ ಬಸ್ ನಿಲ್ದಾಣ ಎದುರಿರುವ ಸರ್ಕಾರಿ ಪಶು ಆಸ್ಪತ್ರೆಯ ಮುಂಭಾಗ ರಮೇಶ್ ಶೆಟ್ಟಿಯವರ ಹಾಲಿನ ಡೈರಿಯ ಆವರಣದಲ್ಲಿ ನಂದಿನಿ ಸಹಿ ಉತ್ಸವವನ್ನು ಉದ್ಘಾಟಿಸಿ ಮಾತನಾಡಿ, ರೈತರ ಹಣ ರೈತರಿಗೆ ನಮ್ಮ ಒಕ್ಕೂಟ ನೀಡುತ್ತಿದ್ದು 45 ದಿನಗಳ ಕಾಲದಲ್ಲಿ 20% ಕಡಿಮೆ ದರದಲ್ಲಿ ಸಹಿ ಮಾರಾಟ ಮಾಡುತ್ತಿದ್ದು ಬಂದಂತಹ ಲಾಭಾಂಶವನ್ನು ರೈತರಿಗೆ ನೀಡುವ ಈ ಯೋಜನೆಯಾಗಿದ್ದು 45 ದಿನಗಳ ಕಾಲ ನಂದಿನಿ ಮಾರಾಟಗಾರರ ಅಂಗಡಿಗಳಲ್ಲಿ ಈ ಸೌಲಭ್ಯ ಲಭ್ಯವಿದ್ದು ಸಾರ್ವಜನಿಕರು ಹಾಗೂ ಗ್ರಾಹಕರು ಇದರ ಉಪಯೋಗವನ್ನು ಪಡೆದುಕೊಳ್ಳಬೇಕೆಂದು ಮನವಿ ಮಾಡಿದರು.
ಈ ಸಿಹಿ ಉತ್ಸವದ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಮಾರ್ಕೆಟಿಂಗ್ ಮ್ಯಾನೆಂಜರ್ ಪ್ರಮೋದ್ ಬಿ.ಕೆ, ಮಾರ್ಕೆಟಿಂಗ್ ಮ್ಯಾನೆಂಜರ್ ಬಸವರಾಜ್, ಸರ್ಕಾರಿ ಪಶು ಆಸ್ಪತ್ರೆಯ ವೈದ್ಯಾಧಿಕಾರಿ ನಾಗರಾಜ್, ಮಲ್ಲಿಕಾರ್ಜುನ್, ಬೂತ್ ಮಾಲೀಕರಾದ ರಮೇಶ್ ಶೆಟ್ಟಿ, ಆನಂತ, ರಾಘವೇಂದ್ರ, ಉದಯ, ಪ್ರಶಂತ, ಅಖಿಲೇಶ್, ಪಾಂಡುರಂಗ ಶೆಣೈ, ಜಗದೀಶ, ಹೆಚ್.ಎನ್ ನಿತ್ಯಾನಂದ ಗ್ರಾಹಕರಾದ ಹೆಚ್.ಎಂ ನಿತ್ಯಾನಂದ, ಮನೋಧರ, ಪ್ರಶಾಂತ ಗೌತಮ್ ಕುಮಾರಸ್ವಾಮಿ ಇನ್ನೂ ಮುಂತಾದವರು ಉಪಸ್ಥಿತರಿದ್ದರು.
