ಎಂ ಗುಡ್ಡೆಕೊಪ್ಪ ಗ್ರಾ.ಪಂ. ಅಧ್ಯಕ್ಷರಾಗಿ ಓಂಕೇಶ ಗೌಡ ಉಪಾಧ್ಯಕ್ಷರಾಗಿ ಸುಧಾ ಆಯ್ಕೆ

ಹೊಸನಗರ: ಪಟ್ಟಣಕ್ಕೆ ಸಮೀಪವಿರುವ ಹಾಗೂ ಪಟ್ಟಣದ ಗ್ರಾಮಸ್ಥರನ್ನು ಹೊಂದಿರುವ ಎಂ ಗುಡ್ಡೆಕೊಪ್ಪ ಗ್ರಾಮ ಪಂಚಾಯತಿಯ ಎರಡನೇ ಅವಧಿಯ ಅಧ್ಯಕ್ಷ, ಉಪಾಧ್ಯಕ್ಷರ ಚುನಾವಣೆಯು ಗುರುವಾರ ನಡೆದಿದ್ದು ಬೆಜೆಪಿ ಬೆಂಬಲಿತ ಅಭ್ಯರ್ಥಿ ಓಂಕೇಶ ಗೌಡ ಅಧ್ಯಕ್ಷರಾಗಿ ಹಾಗೂ ಸುಧಾರವರು ಉಪಾಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ‌.

ಒಟ್ಟು 13 ಸದಸ್ಯರ ಬಲವನ್ನು ಹೊಂದಿರುವ ಗ್ರಾಮ ಪಂಚಾಯತಿಯಲ್ಲಿ ಓರ್ವ ಸದಸ್ಯರು ಅನಿವಾರ್ಯ ಕಾರಣದಿಂದ ರಾಜೀನಾಮೆ ನೀಡಿದ್ದು 12 ಸದಸ್ಯರ ಬಲ ಹೊಂದಿದ್ದು ಗುರುವಾರ ಬೆಳಿಗ್ಗೆ ಗ್ರಾಮ ಪಂಚಾಯತಿಯ ಆವರಣದಲ್ಲಿ ಶರಣ ಗೌಡ ಎಸ್ ಬಿರಾದಾರ್‌ರವರು ಚುನಾವಣೆ ಅಧಿಕಾರಿಯಾಗಿ ಚುನಾವಣೆ ನಡೆಸಿದ್ದು ಓಂಕೇಶ ಗೌಡರವರಿಗೆ 9 ಮತಗಳು ಇವರ ಪ್ರತಿ ಸ್ಪರ್ಧಿ ಮಹೇಂದ್ರರವರು 3 ಮತಗಳು ಹಾಗೂ ಉಪಾಧ್ಯಕ್ಷರ ಚುನಾವಣೆಯಲ್ಲಿ ಸುಧಾರವರು 9 ಮತಗಳನ್ನು ಪಡೆದಿದ್ದು ಇವರ ಪ್ರತಿ ಸ್ಪರ್ಧಿ ದಿವ್ಯಾರವರು 3 ಮತಗಳನ್ನು ಪಡೆದಿದ್ದಾರೆ.

ಈ ಸಂದರ್ಭದಲ್ಲಿ ಬಿಜೆಪಿ ತಾಲ್ಲೂಕು ಅಧ್ಯಕ್ಷ ಗಣಪತಿ ಬಿಳಗೋಡು, ಉಮೇಶ್ ಕಂಚುಗಾರ್, ಪ್ರವೀಣ್, ಸವಿತಾ ರಮೇಶ್, ಗುರುರಾಜ್, ಸುರೇಶ್ ಸ್ವಾಮಿರಾವ್, ರುಕ್ಮೀಣಿ ರಾಜು, ಕಾಲಸಸಿ ಸತೀಶ, ಗುರುರಾಜ್, ಚಿಕ್ಕನಕೊಪ್ಪ ಶ್ರೀಧರ್, ಎ.ವಿ. ಮಲ್ಲಿಕಾರ್ಜುನ, ಸುರೇಂದ್ರ, ಮನು, ಪ್ರಶಾಂತ್, ರಾಜು, ರಮೆಶ, ವಸವೆ ರಮೇಶ್, ಮಂಡಾಣಿ ಮೋಹನ, ಸುರೇಶ, ಇನ್ನೂ ಮುಂತಾದವರು ಅಧ್ಯಕ್ಷ ಉಪಾಧ್ಯಕ್ಷರಿಗೆ ಶುಭ ಹಾರೈಸಿದರು.