Hosanagara | ಆಶಾ ಕಾರ್ಯಕರ್ತೆಯರ ಜ್ವಲಂತ ಸಮಸ್ಯೆಗಳನ್ನು ತುರ್ತಾಗಿ ಪರಿಗಣಿಸುವಂತೆ ಆಗ್ರಹಿಸಿ ಮನವಿ

ಹೊಸನಗರ : ಸರ್ಕಾರದ ಎಲ್ಲಾ ಕಾರ್ಯಕ್ರಮಗಳಲ್ಲಿ ತಮ್ಮನ್ನು ತೊಡಗಿಸಿಕೊಳ್ಳುವ ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳು ನಮ್ಮ ಜ್ವಲಂತ ಸಮಸ್ಯೆಗಳಿಗೆ ಸ್ಪಂದಿಸುತಿಲ್ಲದ ಕಾರಣ ಆಶಾ ಕಾರ್ಯಕರ್ತೆಯರ ಜೀವನಮಟ್ಟ ಅದೋಗತಿಗೆ ಇಳಿದಿದ್ದು ಈ ನಿಟ್ಟಿನಲ್ಲಿ ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳು ಆಶಾ ಕಾರ್ಯಕರ್ತೆಯರ ಸಮಸ್ಯೆಗಳಿಗೆ ತತ್ತಕ್ಷಣ ಸ್ಪಂದಿಸಬೇಕೆಂದು ಹೊಸನಗರ ತಾಲೂಕು ಆಶಾ ಕಾರ್ಯಕರ್ತೆಯರ ಸಂಘ ಆಗ್ರಹಪಡಿಸಿದೆ.

ಆಶಾ ಕಾರ್ಯಕರ್ತೆಯರು ಇಂದು ತಹಸಿಲ್ದಾರ್ ಹಾಗೂ ತಾಲೂಕು ಆರೋಗ್ಯ ಅಧಿಕಾರಿಗಳಿಗೆ ಮನವಿ ಸಲ್ಲಿಸಿ, ಈ ದಿನಗಳಲ್ಲಿ ನಿತ್ಯ ಬಳಕೆಯ ಅಗತ್ಯ ವಸ್ತುಗಳ ಬೆಲೆ ಪ್ರತಿದಿನ ಗಗನಕೇರುತ್ತಿದೆ. ಸರ್ಕಾರ ನೀಡುತ್ತಿರುವ ವೇತನ ಜೀವನೋಪಾಯಕ್ಕೆ ಸಾಲುತ್ತಿಲ್ಲ. ಈ ಸಮಸ್ಯೆಗಳು ದೀರ್ಘಕಾಲಿನದಾಗಿದ್ದು ಇದರಿಂದ ಆಶಾ ಕಾರ್ಯಕರ್ತೆಯರ ಕುಟುಂಬ ನಿರ್ವಹಣೆ ಹೈರಾಣಗಿದೆ.

ಆಶಾ ಕಾರ್ಯಕರ್ತೆಯರ ಸಮಸ್ಯೆ ಬಗ್ಗೆ ಮೇಲಾಧಿಕಾರಿಗಳ ಗಮನಕ್ಕೆ ತಂದರೆ ಸಾಮೂಹಿಕವಾಗಿ ವಜಾಗೊಳಿಸುವ ಬೆದರಿಕೆ ಒಡ್ಡುತ್ತಿದ್ದಾರೆ ಕೋರಿ ಇನ್ಸೆಂಟಿವ್ವನ್ನು ಪಾಯಿಂಟ್ ಗಳಿಂದ ಮುಕ್ತಗೊಳಿಸಬೇಕು ಮತ್ತು ಮೊತ್ತವನ್ನು 11 ಸಾವಿರಕ್ಕೆ ನಿಗದಿಪಡಿಸಿರಿ ಇಲ್ಲದಿದ್ದರೆ ದೆಹಲಿ ಸರ್ಕಾರ ಘೋಷಿಸಿದ ಕುಶಲ ಕರ್ಮಿಗಳಿಗೆ ನಿಗದಿಪಡಿಸಿದ ಕನಿಷ್ಠ ವೇತನದ ಪ್ರಕಾರ ಮಾಸಿಕ ವೇತನವನ್ನು ನಿಗದಿಪಡಿಸಬೇಕು.

ಆಶಾ ಕಾರ್ಯಕರ್ತೆರಿಗೆ ರಜೆ, ಭವಿಷ್ಯನಿಧಿ, ವಿದ್ಯಾರ್ಥಿ ವೇತನ, ಪಿಂಚಣಿ, ಆರೋಗ್ಯ ಸೌಲಭ್ಯ ಜೀವವಿಮೆ ಹಾಗೂ ಹೆರಿಗೆ ಪ್ರಯೋಜನಗಳಂತ ಎಲ್ಲಾ ರೀತಿಯ ಸಾಮಾಜಿಕ ಭದ್ರತಾ ಪ್ರಯೋಜನಗಳನ್ನು ಒದಗಿಸಬೇಕು. ಕೆಲಸದಿಂದ ನಿವೃತ್ತಿರಾಗುವ ವೇಳೆ ಕನಿಷ್ಠ 5 ಲಕ್ಷ ಮೊತ್ತ ನೀಡಬೇಕು.

ಪ್ರೋತ್ಸಾಹ ಧನವನ್ನು ನಿಗದಿಪಡಿಸದೆ ಯಾವುದೇ ಕೆಲಸವನ್ನು ನೀಡಬಾರದು ಹಾಗೂ ಯಾವುದೇ ಒತ್ತಡವನ್ನು ತರಬಾರದು. ಆ ಕೆಲಸಗಳಿಗೆ ತಾರ್ಕಿಕ ಮತ್ತು ಸೂಕ್ತವಾದ ಪ್ರೋತ್ಸಾಹವನ್ನು ಘೋಷಿಸಬೇಕು. ಆಶಾ ಕಾರ್ಯಕರ್ತೆಯರನ್ನು ಆರೋಗ್ಯ ಕಾರ್ಯಕರ್ತೆಯರಂತೆ ಸಹ ರೋಗಿಗಳ ಆರೈಕೆ ಭತ್ಯೆ ಅಡಿಯಲ್ಲಿ ಒಳಗೊಳ್ಳಬೇಕು. ಹಾಗೂ ಕಾರ್ಯಕರ್ತರುಗಳಿಗೆ ಆರೋಗ್ಯ ಇಲಾಖೆಯ ಗ್ರೂಪ್ ಸಿ ನೌಕರ ಸ್ಥಾನಮಾನ ನೀಡಬೇಕು ಎಂದು ಇನ್ನೂ ಹಲವಾರು ಹಲವಾರು ಬೇಡಿಕೆಗಳ ಸೇರಿದಂತೆ ಮನವಿ ಪತ್ರವನ್ನು ಸಲ್ಲಿಸಿದರು.

ಈ ಸಂದರ್ಭದಲ್ಲಿ ತಾಲೂಕು ಆಶಾ ಕಾರ್ಯಕರ್ತೆಯರ ಸಂಘದ ಅಧ್ಯಕ್ಷೆ ಪೂರ್ಣಿಮಾ, ಕಾರ್ಯದರ್ಶಿ ನಾಗರತ್ನ, ಪದಾಧಿಕಾರಿಗಳಾದ ಸವಿತಾ, ಸುಮಾ, ಶಾಂತ, ರೇಷ್ಮಾ, ಮೈಮುನಾಬಿ, ರೇಣುಕಾ, ಶೋಭಾ, ಸವಿತಾ, ಜಯಶ್ರೀ, ಪ್ರಾಪ್ತಿ ಪ್ರಸನ್ನ, ಶಾರದಾ ಮೊದಲಾದವರಿದ್ದರು‌.