ವಾಟ್ಸಾಪ್ ಸ್ಟೇಟಸ್‌ನಲ್ಲಿ ತನ್ನದೇ ನಗ್ನಚಿತ್ರ ಅಪ್‌ಲೋಡ್ ; ಗ್ರಾ.ಪಂ. ಸದಸ್ಯತ್ವ ರದ್ದುಗೊಳಿಸಲು ಆಗ್ರಹ
ಹೊಸನಗರ : ತಾಲ್ಲೂಕಿನ ಮೇಲಿನಬೆಸಿಗೆ ಗ್ರಾಮ ಪಂಚಾಯತಿಯ ಸದಸ್ಯ ತನ್ನ ತನ್ನದೇ ನಗ್ನ ಚಿತ್ರವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕಿಕೊಂಡಿರುವುದು ನಾಚಿಗೆ ಗೇಡಿನ ವಿಷಯವಾಗಿದ್ದು ಇವರ ಗ್ರಾಮ ಪಂಚಾಯತಿ ಸದಸ್ಯತ್ವ ವಜಾ ಮಾಡಬೇಕೆಂದು ವಸವೆ ರಮೇಶ್‌ರವರ ನೇತೃತ್ವದಲ್ಲಿ ಮೇಲಿನಬೆಸಿಗೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಗ್ರಾಮಸ್ಥರು ಗ್ರಾಮ ಪಂಚಾಯತಿ ಪಿಡಿಓರವರಿಗೆ ದೂರು ಸಲ್ಲಿಸಿ ತಕ್ಷಣ ಸದಸ್ಯತ್ವವನ್ನು ವಜಾ ಮಾಡಬೇಕೆಂದು ಮನವಿ ಸಲ್ಲಿಸಿದ್ದಾರೆ.
ಗ್ರಾಮಸ್ಥರು ನೀಡಿರುವ ಮನವಿ ಪತ್ರದಲ್ಲಿ, ಮೇಲಿನಬೆಸಿಗೆ ಗ್ರಾಮ ಪಂಚಾಯಿತಿ ವಸವೆ ಗ್ರಾಮದ ಗ್ರಾ.ಪಂ ಸದಸ್ಯ ಧರ್ಮಪ್ಪ ವೈ (48) ಇವರು ಮೇ 18 ರಂದು ಸುಮಾರು 2 ಯಿಂದ 3 ಗಂಟೆಗಳ ಕಾಲ ತಮ್ಮ ಮೊಬೈಲ್ ನಂಬರ್ 944*****27 ವಾಟ್ಸಪ್ ಸ್ಟೇಟಸ್ ನಲ್ಲಿ ತನ್ನ ನಗ್ನ ಚಿತ್ರವನ್ನು ಪ್ರದರ್ಶಿಸಿದ್ದು ಸಮಾಜದಲ್ಲಿ ಗೌರವ ಘನತೆಗೆ ಕುಂದು ತಂದಿದ್ದಲ್ಲದೇ ನಮಗೆ ಇದರಿಂದಾಗಿ ಮಾನಸಿಕವಾಗಿ ತುಂಬಾ ಆಘಾತವಾಗಿದ್ದು ಹಾಗೂ ನಮಗೆ ಸಮಾಜದಲ್ಲಿ ತಲೆ ಎತ್ತಿ ತಿರುಗಾಡಂತಾಗಿದೆ. ಮಹಿಳೆಯರು ಮತ್ತು ಮಕ್ಕಳು ಈ ಚಿತ್ರವನ್ನು ನೋಡಿ ಗಂಡಸರ ಬಗ್ಗೆ ತೀರ ಕೀಳು ಮಟ್ಟದಲ್ಲಿ ನೋಡುತ್ತಿದ್ದಾರೆ ಮೊಬೈಲ್‌ಗಳನ್ನು ಮಕ್ಕಳು ಆನ್‌ಲೈನ್ ತರಗತಿಗಾಗಿ ನೋಡುತ್ತಿದ್ದು ಈ ಚಿತ್ರವನ್ನು ಚಿಕ್ಕ ಮಕ್ಕಳು ನೋಡಿ ತೀರ ಆಘಾತಕ್ಕೆ ಒಳಗಾಗಿರುತ್ತಾರೆ. ಇದರಿಂದ ನಮ್ಮ ಮನಸ್ಸಿಗೆ ತೀರ ಹಿಂಸೆ ಹಾಗೂ ನೋವುಂಟಾಗಿದೆ. ನಮ್ಮ ಮಕ್ಕಳು ನಮಗೆ ಈ ಬಗ್ಗೆ ಕೇಳುವ ಪ್ರಶ್ನೆಗಳಿಗೆ ಉತ್ತರಿಸಲು ಸಾಧ್ಯವಾಗದೇ ಇದರಿಂದಾಗಿ ಸಮಾಜದ ಸ್ವಾಸ್ಥ್ಯ ಸಂಪೂರ್ಣ ಹಾಳಾಗಿದ್ದಲ್ಲದೇ ಒಬ್ಬ ಗ್ರಾಮ ಪಂಚಾಯತಿ ಸದಸ್ಯನಾಗಿದ್ದು ಅವರು ಸಾರ್ವಜನಿಕರಿಗೆ ತಿಳುವಳಿಕೆ ಹೇಳುವ ವ್ಯಕ್ತಿಯಾಗಿದ್ದು ತಾವೇ ಸಮಾಜದಲ್ಲಿ ಇಂಥಹ ಚಿತ್ರಗಳನ್ನು ಬಿತ್ತರಿಸಿ ಸಮಾಜದ ಸಂಪೂರ್ಣ ಸ್ವಾಸ್ಥ್ಯವನ್ನು ಹಾಳು ಮಾಡಿರುತ್ತಾರೆ ಇವರು ನೈತಿಕ ಹೊಣೆಗಾರಿಕೆಯನ್ನು ಹೊತ್ತು ತಕ್ಷಣ ತಮ್ಮ ಗ್ರಾಮ ಪಂಚಾಯತಿ ಸದಸ್ಯತ್ವಕ್ಕೆ ರಾಜೀನಾಮೆ ನೀಡಬೇಕು ಮತ್ತು ಅವರ ಮೇಲೆ ಪಂಚಾಯತ್ ರಾಜ್ ನಡತೆಯ ಕಾನೂನಿನನ್ವಯ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಬೇಕೆಂದು ಹಾಗೂ ಪಂಚಾಯತಿ ಸದಸ್ಯತ್ವವನ್ನು ವಜಾ ಮಾಡಬೇಕೆಂದು ತಿಳಿಸಿದ್ದಾರೆ.
ಮನವಿ ಪತ್ರವನ್ನು ನೀಡುವ ಸಂದರ್ಭದಲ್ಲಿ ವಸವೆ ಉಮೇಶ್, ನಕ್ಷತ್ರ ಮಂಜು, ಸಾಲಗೇರಿ ನಾಗರಾಜ್, ಜಯನಗರ ಪ್ರಹ್ಲಾದ, ಶಿವನಂದಪ್ಪ ಗೌಡ, ವಸವೆ ಕೃಷ್ಣಮೂರ್ತಿ, ಕುಂಟಿಕೆ ರತ್ನಾಕರ್, ಸುಧಾಕರ, ಶಿವಕುಮಾರ್ ಇನ್ನೂ ಮುಂತಾದವರು ಉಪಸ್ಥಿತರಿದ್ದರು.
