ಹೊಸನಗರ ; ಮಲೆನಾಡಿನ ನಡುಮನೆ ಹೊಸನಗರ ತಾಲೂಕಿನಾದ್ಯಂತ ಭಾರಿ ಮಳೆ ಮುಂದುವರೆದಿದ್ದು ಲಿಂಗನಮಕ್ಕಿ ಜಲಾಶಯಕ್ಕೆ ನೀರುಣಿಸುವ ಪ್ರಧಾನ ಜಲಾನಯನ ಪ್ರದೇಶವಾದ ಮಾಸ್ತಿಕಟ್ಟೆಯಲ್ಲಿ ಸೋಮವಾರ ಬೆಳಗ್ಗೆ 8:00 ಗಂಟೆಗೆ ಅಂತ್ಯಗೊಂಡಂತೆ ಕಳೆದ 24 ಗಂಟೆಗಳಲ್ಲಿ ಅತ್ಯಧಿಕ 176 ಮಿ.ಮೀ. ಮಳೆ ದಾಖಲಾಗಿದೆ.
ಉಳಿದಂತೆ ಹುಲಿಕಲ್ 138 ಮಿ.ಮೀ., ಯಡೂರು 107 ಮಿ.ಮೀ., ಸಾವೇಹಕ್ಲು 90 ಮಿ.ಮೀ., ಚಕ್ರಾನಗರ 80 ಮಿ.ಮೀ., ಮಾಣಿ 77 ಮಿ.ಮೀ., ಕಾರ್ಗಲ್ (ಸಾಗರ) 75.2, ಹೊಸನಗರ 50.4 ಮತ್ತು ಸೊನಲೆಯಲ್ಲಿ 48, ಮಿ.ಮೀ. ಮಳೆ ದಾಖಲಾಗಿದೆ.
1819 ಅಡಿ ಗರಿಷ್ಠ ಮಟ್ಟದ ಲಿಂಗನಮಕ್ಕಿ ಜಲಾಶಯದ ನೀರಿನ ಮಟ್ಟ ಇಂದು ಬೆಳಗ್ಗೆ 8:00 ಗಂಟೆಗೆ 1764.85 ಅಡಿ ತಲುಪಿದ್ದು ಕಳೆದ ವರ್ಷ ಇದೇ ಅವಧಿಗೆ 1746.80 ಅಡಿ ದಾಖಲಾಗಿತ್ತು.
