ಶಿವಮೊಗ್ಗ: ಎಫ್ಟಿವಿ ಇವೆಂಟ್ಸ್ ಮತ್ತು ಪೇಜೆಂಟ್ಸ್ ಸಹಯೋಗದಲ್ಲಿ ನಡೆದ ಮಿಸ್ಟರ್, ಮಿಸ್, ಮಿಸೆಸ್, ಕಿಡ್ಸ್ ಮತ್ತು ಟೀನ್ ಶಿವಮೊಗ್ಗ ಪೇಜೆಂಟ್ ಸ್ಪರ್ಧೆಯಲ್ಲಿ ಹುಂಚ ಮೂಲದ ಸ್ವಪ್ನ ಅವರು ಮಿಸ್ ಶಿವಮೊಗ್ಗ 2026 ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದ್ದಾರೆ.
ಆಗಸ್ಟ್ 30ರಂದು ಶಿವಮೊಗ್ಗದ ಸುವರ್ಣ ಸಾಂಸ್ಕೃತಿಕ ರಂಗಾಯಣ ಭವನದಲ್ಲಿ ಈ ಪೇಜೆಂಟ್ ಸ್ಪರ್ಧೆ ಆಯೋಜಿಸಲಾಗಿತ್ತು. ವಿವಿಧ ವಿಭಾಗಗಳಲ್ಲಿ ಸ್ಪರ್ಧಿಗಳು ಭಾಗವಹಿಸಿದ್ದು, ಮಿಸ್ ವಿಭಾಗದಲ್ಲಿ ಒಟ್ಟು 16 ಮಂದಿ ಸ್ಪರ್ಧಿಗಳು ಕಣದಲ್ಲಿದ್ದರು.
ಮಿಸ್ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಹುಂಚದ ಸ್ವಪ್ನ ಅವರು ತಮ್ಮ ಆತ್ಮವಿಶ್ವಾಸ, ವೇದಿಕೆ ನಿರ್ವಹಣೆ ಮತ್ತು ವ್ಯಕ್ತಿತ್ವದ ಮೂಲಕ ಗಮನ ಸೆಳೆದರು. ಅಂತಿಮವಾಗಿ ಅವರು ಮಿಸ್ ಶಿವಮೊಗ್ಗ 2026 ಪ್ರಶಸ್ತಿಗೆ ಭಾಜನರಾದರು.
ಸ್ವಪ್ನ ಅವರ ಪೋಷಕರು ವರದರಾಜ್ ಮತ್ತು ಪದ್ಮಾವತಿ. ಮಲೆನಾಡಿನ ಗ್ರಾಮೀಣ ಭಾಗದಿಂದ ಬಂದು ಜಿಲ್ಲಾ ಮಟ್ಟದ ಪೇಜೆಂಟ್ ವೇದಿಕೆಯಲ್ಲಿ ಸಾಧನೆ ಮಾಡಿರುವ ಸ್ವಪ್ನಾ ಅವರ ಗೆಲುವಿಗೆ ಕುಟುಂಬಸ್ಥರು, ಸ್ನೇಹಿತರು ಹಾಗೂ ಸ್ಥಳೀಯರು ಸಂತಸ ವ್ಯಕ್ತಪಡಿಸಿದ್ದಾರೆ.
ಈ ರೀತಿಯ ವೇದಿಕೆಗಳು ಯುವತಿಯರ ಆತ್ಮವಿಶ್ವಾಸ, ವ್ಯಕ್ತಿತ್ವ ವಿಕಾಸ ಮತ್ತು ಪ್ರತಿಭೆ ಪ್ರದರ್ಶನಕ್ಕೆ ಉತ್ತಮ ಅವಕಾಶ ಒದಗಿಸುತ್ತವೆ. ಮಿಸ್ ಶಿವಮೊಗ್ಗ 2026 ಕಿರೀಟ ಗೆದ್ದಿರುವ ಸ್ವಪ್ನಾ ಅವರು ಮುಂದಿನ ದೊಡ್ಡ ವೇದಿಕೆಗಳಲ್ಲೂ ಸಾಧನೆ ಮಾಡಲಿ ಎಂಬ ಶುಭಾಶಯಗಳು ವ್ಯಕ್ತವಾಗುತ್ತಿವೆ.
