ಭಾರತದಲ್ಲಿ ಪ್ರತಿದಿನವೂ ಅಪಘಾತದ ಸುದ್ದಿ ಕೇಳಿಬರುತ್ತಿರುವ ಈ ಮದ್ಯೆ , ದ್ವಿಚಕ್ರ ವಾಹನಗಳ ಸುರಕ್ಷತೆಯ ದೃಷ್ಟಿಯಿಂದ ಸರ್ಕಾರ ಮಹತ್ವದ ನಿರ್ಧಾರ ತೆಗೆದುಕೊಂಡಿದೆ. ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯ (MoRTH) 2026ರ ಜನವರಿ 1ರಿಂದ ಎಲ್ಲ ಎರಡು ಚಕ್ರ ವಾಹನಗಳಲ್ಲಿ ABS (Anti-Lock Braking System) ಕಡ್ಡಾಯಗೊಳಿಸಿರುವುದಾಗಿ ಘೋಷಿಸಿದೆ.
ಈ ಹೊಸ ನಿಯಮಗಳಂತೆ, ಯಾವುದೇ ಟೂವೀಲರ್ ವಾಹನವನ್ನು ಖರೀದಿಸುವಾಗ ಡೀಲರ್ಗಳು 2 BIS ಪ್ರಮಾಣಿತ ಹೆಲ್ಮೆಟ್ಗಳನ್ನು ನೀಡುವುದು ಕಡ್ಡಾಯವಾಗಲಿದೆ. ಇದು ವಾಹನ ಸವಾರರ ಸಾವಿನ ಪ್ರಮಾಣವನ್ನು ತಗ್ಗಿಸಲು ಮಾಡಲಾಗಿರುವ ಹೆಜ್ಜೆ.
ಈಗಾಗಲೇ 125 ಸಿಸಿ ಅಥವಾ ಅದಕ್ಕಿಂತ ಹೆಚ್ಚಿನ ಸಾಮರ್ಥ್ಯದ ಟೂವೀಲರ್ಗಳಲ್ಲಿ ABS ಕಡ್ಡಾಯವಾಗಿತ್ತು. ಆದರೆ ಈಗ ಎಲ್ಲ ವಾಹನಗಳಿಗೆ – ಸಿಸಿ ಯಾವುದೇ ಇರಲಿ – ABS ವ್ಯವಸ್ಥೆ ಕಾನೂನು ಕಡ್ಡಾಯವಾಗಲಿದೆ. ಈ ನಿರ್ಧಾರದಿಂದಾಗಿ ದ್ವಿಚಕ್ರ ವಾಹನಗಳ ಬ್ರೇಕಿಂಗ್ ಸಿಸ್ಟಮ್ ಮತ್ತಷ್ಟು ಸುಧಾರಿತವಾಗಲಿದೆ ಮತ್ತು ನಿಖರ ನಿಯಂತ್ರಣ ನೀಡುವ ಮೂಲಕ ಅಪಘಾತಗಳ ಪ್ರಮಾಣ ಕಡಿಮೆಯಾಗಲಿದೆ.
ಇಂತಹ ಮಹತ್ವದ ಬದಲಾವಣೆಯಿಂದ ದ್ವಿಚಕ್ರ ವಾಹನ ಸವಾರರಿಗೆ ಹೆಚ್ಚಿನ ಭದ್ರತೆ ದೊರೆಯುವ ನಿರೀಕ್ಷೆ ಇದೆ. ಹೊಸ ನಿಯಮಗಳು 2026ರ ಆರಂಭದಿಂದಲೇ ಜಾರಿಗೆ ಬರಲಿದ್ದು, ಮಾರಾಟಗಾರರು ಹಾಗೂ ಖರೀದಿದಾರರು ಇದಕ್ಕೆ ಸಿದ್ಧರಾಗಬೇಕು.
Read More :ಹೊಸ ಅವತಾರದಲ್ಲಿ ಮಹೀಂದ್ರ ಬೊಲೆರೋ! ಆಗಸ್ಟ್ 15ರಂದು ಬಿಡುಗಡೆಯ ಸಾಧ್ಯತೆ: ಇಲ್ಲಿ 5 ರೋಚಕ ಮಾಹಿತಿಗಳು
