ರಿಪ್ಪನ್ಪೇಟೆ ; ಮಸರೂರು ದಿ.ರೇಣುಕಪ್ಪಗೌಡ ಪ್ರತಿಷ್ಟಾನ ಶಿವಮೊಗ್ಗ, ಮಲೆನಾಡು ಕಲಾ ತಂಡ ಹಾಗೂ ವಿವಿಧ ಸಂಘ-ಸಂಸ್ಥೆಗಳ ಸಂಯುಕ್ತಾಶ್ರಯದಲ್ಲಿ 5ನೇ ವರ್ಷದ ‘ಹಳ್ಳಿ ಮಕ್ಕಳ ರಂಗಹಬ್ಬ-2025’ ಮಕ್ಕಳ ತರಬೇತಿ ಶಿಬಿರವನ್ನು ಏಪ್ರಿಲ್ 11 ರಿಂದ 26 ರವರೆಗೆ 6 ರಿಂದ 16 ವಯಸ್ಸಿನ ಮಕ್ಕಳಿಗೆ ಇಲ್ಲಿನ ಸರ್ಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಆಯೋಜಿಸಲಾಗಿದೆ ಎಂದು ರಂಗಕರ್ಮಿ, ನಾಟಕ ಅಕಾಡೆಮಿ ಜಿಲ್ಲಾ ಸಂಚಾಲಕ ಶಿಬಿರ ನಿರ್ದೇಶಕ ಡಾ.ಗಣೇಶ ಆರ್ ಕೆಂಚನಾಲ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಶಿಬಿರದಲ್ಲಿ ರಂಗಚಟುವಟಿಕೆ, ಜನಪದ ಮತ್ತು ಕಥಾ ವಿಹಾರ, ಹಾಡು-ಹಸೆ, ನೃತ್ಯಕಲೆ, ಚಿತ್ರಕಲೆ, ಕ್ರಾಫ್ಟ್, ವರ್ಕ್, ಮ್ಯಾಜಿಕ್, ಟೆಲಿಸ್ಕೋಪ್, ಮಕ್ಕಳ ಸಾಕ್ಷ್ಯಚಿತ್ರ, ಮೂಕಾಭಿನಯ, ಕೌಶಲ್ಯ ಆಟಗಳು, ಇತರೆ ವಿಸ್ಮಯಕಾರಿ ಕಲಿಕಾ ಶಿಬಿರದಲ್ಲಿ ಮಕ್ಕಳಿಗೆ ನಡೆಸಲಾಗುತ್ತಿದೆ.
ಈ ಶಿಬಿರದಲ್ಲಿ ಭಾಗವಹಿಸುವ 6 ರಿಂದ 16 ವರ್ಷದ ಮಕ್ಕಳಿಗೆ ಪ್ರವೇಶ ಆರಂಭವಾಗಿದ್ದು ಹೆಚ್ಚಿನ ಮಾಹಿತಿಗಾಗಿ 9902356019, 9481691337 ಸಂಪರ್ಕಿಸಲು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
