RIPPONPETE ; ದೀಪಾವಳಿ ಹಬ್ಬದ ಅಂಗವಾಗಿ ರಿಪ್ಪನ್‌ಪೇಟೆಯ ವಾರದ ಸಂತೆ ಇಂದು ನಡೆದಿದ್ದು ಗಗನಕ್ಕೇರಿದ ತರಕಾರಿ, ಹೂ, ಹಣ್ಣು ಮತ್ತು ದಿನಸಿಗಳ ಬೆಲೆಯ ನಡುವೆಯೂ ಭರ್ಜರಿ ವಹಿವಾಟು ನಡೆಯಿತು.
ಹಬ್ಬದ ಅಂಗವಾಗಿ ಜಾನುವಾರುಗಳ ಕೊರಳಿಗೆ ಗಂಟೆ, ಕಣ್ಣಿ ಮತ್ತು ಹಗ್ಗ ಸೇರಿದಂತೆ ಬೂರೆ ಕುಂಬಗಳು, ಮಣ್ಣಿನ ಹಣತೆ, ತರಕಾರಿ ಸಿಹಿಕುಂಬಳ, ಸೊಪ್ಪಿನ ವ್ಯಾಪಾರ ದುಬಾರಿ ದರದಲ್ಲೂ ಬಲು ಜೋರಾಗಿ ನಡೆಯಿತು.
ದೀಪಾವಳಿ ನೋನಿ ಹಿನ್ನೆಲೆಯಲ್ಲಿ ಕೋಳಿ, ಕುರಿ ಮತ್ತು ಬಿದರಿನ ಬುಟ್ಟಿ, ಹಣ್ಣು, ಹೂ, ತೆಂಗಿನಕಾಯಿ ವ್ಯಾಪಾರ ಸಹ ಭರ್ಜರಿಯಾಗಿ ನಡೆಯಿತು.
