ಶಿವಮೊಗ್ಗ ಜಿಲ್ಲೆಯ ಹಲವೆಡೆ ವರ್ಷಧಾರೆ: ಹೊಸನಗರದ ಕೆರೆಹಳ್ಳಿಯಲ್ಲಿ ಭಾರಿ ಮಳೆ ದಾಖಲು

ಶಿವಮೊಗ್ಗ: ಜಿಲ್ಲೆಯಾದ್ಯಂತ ಕಳೆದ 24 ಗಂಟೆಗಳಲ್ಲಿ ಹಲವೆಡೆ ಉತ್ತಮ ಮಳೆಯಾಗಿದ್ದು, ವಿಶೇಷವಾಗಿ ಹೊಸನಗರ ಮತ್ತು ಸೊರಬ ತಾಲ್ಲೂಕಿನ ಭಾಗಗಳಲ್ಲಿ ಮಳೆಯ ಅಬ್ಬರ ಕಂಡುಬಂದಿದೆ.

ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ಉಸ್ತುವಾರಿ ಕೇಂದ್ರ (KSNDMC) ಬಿಡುಗಡೆ ಮಾಡಿರುವ ಇಂದು ಬೆಳಿಗ್ಗೆ 7:30 ರವರೆಗಿನ ವರದಿಯ ಪ್ರಕಾರ, ಹೊಸನಗರ ತಾಲ್ಲೂಕಿನ ಕೆರೆಹಳ್ಳಿ (ರಿಪ್ಪನ್‌ಪೇಟೆ) ವ್ಯಾಪ್ತಿಯಲ್ಲಿ ಜಿಲ್ಲೆಯಲ್ಲೇ ಅತಿ ಹೆಚ್ಚು ಅಂದರೆ 30.75 ಮಿ.ಮೀ. ಮಳೆ ದಾಖಲಾಗಿದೆ. ಉಳಿದಂತೆ ಹೊಸನಗರದ ಅರಸಾಳು ಮತ್ತು ಜೇನಿ ಹಾಗೂ ಸೊರಬ ತಾಲ್ಲೂಕಿನ ಇಂಡುವಳ್ಳಿ ಭಾಗದಲ್ಲೂ ಉತ್ತಮ ಮಳೆಯಾಗಿದೆ.

ಜಿಲ್ಲೆಯಲ್ಲಿ ದಾಖಲಾದ ಪ್ರಮುಖ ಮಳೆ ವಿವರ :

• ಕೆರೆಹಳ್ಳಿ (ಹೊಸನಗರ): 30.75 ಮಿ.ಮೀ.
• ಅರಸಾಳು (ಹೊಸನಗರ): 27.0 ಮಿ.ಮೀ.
• ಇಂಡುವಳ್ಳಿ (ಸೊರಬ): 23.0 ಮಿ.ಮೀ.
• ಜೇನಿ (ಹೊಸನಗರ): 20.5 ಮಿ.ಮೀ.

ಮಲೆನಾಡು ಭಾಗದಲ್ಲಿ ಸುರಿದ ಈ ಮಳೆಯಿಂದಾಗಿ ವಾತಾವರಣ ತಂಪಾಗಿದ್ದು, ಕೃಷಿ ಚಟುವಟಿಕೆಗಳಿಗೆ ಪೂರಕವಾಗಿದೆ. ಇನ್ನೂ ಅ.22 ರವರೆಗೆ ಮಳೆ ಮುಂದುವರೆಯಲಿದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ.