ರಿಪ್ಪನ್ಪೇಟೆ ; ಇಲ್ಲಿನ ಹಳೆ ಸಂತೇ ಮಾರ್ಕೆಟ್ ಪ್ರದೇಶದಲ್ಲಿ ಇರುವ ಸ.ನಂ 43ರ ಗ್ರಾಮ ಪಂಚಾಯಿತ್ ಜಾಗದಲ್ಲಿ ಅಕ್ರಮವಾಗಿ ಒತ್ತುವರಿ ಮಾಡುವ ಮೂಲಕ ರಾತ್ರೋರಾತ್ರಿ ಅಕ್ರಮ ಗುಡಿಸಲು ನಿರ್ಮಿಸಲಾಗಿ ಅದನ್ನು ಗ್ರಾಮಾಡಳಿತ ಸಿಬ್ಬಂದಿವರ್ಗ ತೆರವುಗೊಳಿಸುವ ಮೂಲಕ ಗುಡಿಸಲಿಗೆ ಅಳವಡಿಸಲಾದ ಮರದ ಕಂಬ ಇನ್ನಿತರ ಸಾಮಗ್ರಿಗಳನ್ನು ವಶಪಡಿಸಿಕೊಂಡರು.
ಕಳೆದ ಒಂದು ವರ್ಷದ ಹಿಂದೆ ಸಹ ಇದೇ ರೀತಿಯಲ್ಲಿ ರಾತ್ರೋರಾತ್ರಿ ಸದರಿ ಜಾಗದಲ್ಲಿ ಅಕ್ರಮ ಗುಡಿಸಲು ನಿರ್ಮಿಸಿಲಾಗಿದ್ದು ಆಗ ಸ್ಥಳೀಯ ಆಡಳಿತ ಸಹ ಅಕ್ರಮ ಶೆಡ್ಗಳನ್ನು ಕಿತ್ತು ಹಾಕಿರುವುದು ಇನ್ನೂ ಮಾಸುವ ಮುನ್ನವೇ ಪುನಃ ಶುಕ್ರವಾರ ರಾತ್ರಿ ದಿಢೀರ್ ಶೆಡ್ ನಿರ್ಮಿಸಿ ಬೇಲಿ ಕಟ್ಟಿರುವ ಬಗ್ಗೆ ಸುದ್ದಿ ಹರಡುತ್ತಿದ್ದಂತೆ ಗ್ರಾಮ ಪಂಚಾಯಿತ್ ಪಿಡಿಒ ನಾಗರಾಜ್ ಮತ್ತು ಸಿಬ್ಬಂದಿವರ್ಗ ಹಾಗೂ ನಿಕಟಪೂರ್ವ ಗ್ರಾಮ ಪಂಚಾಯಿತ್ ಸದಸ್ಯರು ಸ್ಥಳಕ್ಕೆ ಭೇಟಿ ನೀಡಿ ಅಕ್ರಮವಾಗಿ ನಿರ್ಮಿಸಲಾದ ಗುಡಿಸಲು ಮತ್ತು ಬೇಲಿಯನ್ನು ಕಿತ್ತು ತಮ್ಮ ವಶಕ್ಕೆ ಪಡೆದರು.
ನಿಕಟಪೂರ್ವ ಗ್ರಾಮ ಪಂಚಾಯಿತ್ ಉಪಾಧ್ಯಕ್ಷ ಸುಧೀಂದ್ರ ಪೂಜಾರಿ, ಸದಸ್ಯರಾದ ನಿರೂಪ್ ಕುಮಾರ್, ಪ್ರಕಾಶ ಪಾಲೇಕರ್, ಜಿ.ಡಿ.ಮಲ್ಲಿಕಾರ್ಜುನ, ಇನ್ನಿತರ ಸದಸ್ಯರು ಪಾಲ್ಗೊಂಡು ತೆರವು ಕಾರ್ಯಾಚರಣೆ ನಡೆಸಿದರು.
