HOSANAGARA ; ಸಾಗರದಿಂದ ಹೊಸನಗರಕ್ಕೆ ಬರುವ 33 ಕೆವಿ ಲೈನ್ ಮಾರ್ಗದ ಸಾಗರ 110/33 ಕೆ.ವಿ MUSS ನ 20 MVA ಪರಿವರ್ತಕ ವಿಫಲವಾಗಿದ್ದು ಇದನ್ನು ಸರಿಪಡಿಸಲು ಇನ್ನೂ 10-15ದಿನಗಳ ಕಾಲ ಬೇಕಾಗುತ್ತದೆ ಎಂದು ತಿಳಿದುಬರುತಿದೆ.
ಮೆಸ್ಕಾಂ ಹೊಸನಗರ ಶಾಖಾ ವ್ಯಾಪ್ತಿಯಲ್ಲಿ ಈಗ ಬೇರೆ ಬೇರೆ ಫೀಡರ್ ಗಳಿಂದ ವಿದ್ಯುತ್ ನೀಡಲಾಗಿದ್ದು ಈ ಮಾರ್ಗಗಳು ಓವರ್ ಲೋಡ್ ಆಗಿ ಲೋ ವೋಲ್ಟೇಜ್ ಸಮಸ್ಯೆ ಎದುರಾಗುತ್ತಿದೆ. ಆದ್ದರಿಂದ ವಿದ್ಯುತ್ ಗ್ರಾಹಕರು ಸಹಕರಿಸುವಂತೆ ಹಾಗೂ ಅತೀ ಅಗತ್ಯವಿದ್ದಲ್ಲಿ ಮಾತ್ರ ಕೃಷಿ ಪಂಪ್‌ಸೆಟ್ ಬಳಸಿ. ಕುಡಿಯುವ ನೀರಿನ ಪಂಪ್‌ಸೆಟ್ ಗೆ ವೋಲ್ಟೇಜ್ ತೊಂದರೆ ಆಗುತ್ತದೆ. ಆದ್ದರಿಂದ ಅನಗತ್ಯ ವಿದ್ಯುತ್ ಬಳಕೆ ಬೇಡ ಮಿತವಾಗಿ ವಿದ್ಯುತ್ ಬಳಸಿ ಸಹಕರಿಸಿ ಎಂದು ಹೊಸನಗರ ಮೆಸ್ಕಾಂ ಇಲಾಖೆ ಪ್ರಕಟಣೆ ಮೂಲಕ ಕೋರಿದೆ.
