ಹೊಸನಗರ ; ಶಿವಮೊಗ್ಗ ಜಿಲ್ಲಾ ಔಷಧ ವ್ಯಾಪಾರಿಗಳ ಸಂಘದ ಮಾಸಿಕ ಸಭೆಯು ಅಕ್ಟೋಬರ್ 18ರ ಭಾನುವಾರದಂದು ಹೊಸನಗರದ ಗಾಯತ್ರಿ ಮಂದಿರದಲ್ಲಿ ನಡೆಯಲಿದೆ.
ಹೊಸನಗರ ತಾಲೂಕು ಹಾಗೂ ಕೋಣಂದೂರು ವಿಭಾಗದ ಔಷಧ ವ್ಯಾಪಾರಿಗಳ ಸಂಘದ ಜಂಟಿ ಆಶ್ರಯದಲ್ಲಿ ಈ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ ಎಂದು ಜಿಲ್ಲಾ ಸಂಘದ ಉಪಾಧ್ಯಕ್ಷ ಹಾಗೂ ರಾಮಕೃಷ್ಣ ಮೆಡಿಕಲ್ಸ್ ಮಾಲೀಕ ಎನ್. ದತ್ತಾತ್ರೇಯ ಉಡುಪ ತಿಳಿಸಿದ್ದಾರೆ.
ಕಾರ್ಯಕ್ರಮದ ವಿವರ:
ಅಂದು ಬೆಳಗ್ಗೆ 10 ಗಂಟೆಯಿಂದ ಮಧ್ಯಾಹ್ನ 12ರವರೆಗೆ ಜಿಲ್ಲಾ ಮ್ಯಾನೇಜಿಂಗ್ ಕಮಿಟಿಯ ನೇತೃತ್ವದಲ್ಲಿ ನಿಗದಿತ ಅಜೆಂಡಾದಂತೆ ಸಭೆ ಜರುಗಲಿದೆ. ತದನಂತರ 12 ಗಂಟೆಯಿಂದ 1 ಗಂಟೆಯವರೆಗೆ ಹೊಸನಗರ ಮತ್ತು ಕೋಣಂದೂರು ಭಾಗದ ಔಷಧ ವ್ಯಾಪಾರಿಗಳಿಗಾಗಿ ವಿಶೇಷ ‘ಚಿಂತನ ಮಂಥನ’ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ.
ಗಣ್ಯರಿಗೆ ಸನ್ಮಾನ:
ಇದೇ ವೇದಿಕೆಯಲ್ಲಿ ತಾಲೂಕಿನ ಹಿರಿಯ ಔಷಧ ವ್ಯಾಪಾರಿಗಳನ್ನು ಹಾಗೂ ನೂತನ ಪತ್ರಕರ್ತರ ಸಂಘದ ಅಧ್ಯಕ್ಷರನ್ನು ಗೌರವಿಸಲಾಗುವುದು. ಜಿಲ್ಲಾ ಸಮಿತಿಯ ಪದಾಧಿಕಾರಿಗಳು, ಹೊಸನಗರ ಹಾಗೂ ಕೊಣಂದೂರು ಭಾಗದ ಎಲ್ಲಾ ಔಷಧ ವ್ಯಾಪಾರಿಗಳು ಸಭೆಯಲ್ಲಿ ಪಾಲ್ಗೊಂಡು ಕಾರ್ಯಕ್ರಮವನ್ನು ಯಶಸ್ವಿಗೊಳಿಸುವಂತೆ ಅವರು ಮನವಿ ಮಾಡಿದ್ದಾರೆ.
