HOSANAGARA ; ತಾಲೂಕು ಕೇಂದ್ರದ ಸಾರ್ವಜನಿಕ ಆಸ್ಪತ್ರೆಯ ಜನೌಷಧಿ ಕೇಂದ್ರ ಕಳೆದ ನಾಲ್ಕು ವರ್ಷಗಳಿಂದ ಮುಚ್ಚಿದ್ದು ಈಗ ಮತ್ತೆ ಪುನರಾರಂಭಗೊಂಡಿದ್ದು ಈ ಜನೌಷಧಿ ಕೇಂದ್ರದ ಸದುಪಯೋಗ ಪಡೆಯುವಂತೆ ಸಾರ್ವಜನಿಕ ಆಸ್ಪತ್ರೆಯ ಆಡಳಿತ ವೈದ್ಯಾಧಿಕಾರಿ ಡಾ. ಗುರುಮೂರ್ತಿ ಕೋರಿದ್ದಾರೆ.
ಹೊಸನಗರ ಸಾರ್ವಜನಿಕ ಆಸ್ಪತ್ರೆಗೆ ಪ್ರತಿದಿನ 400 ರಿಂದ 500 ಹೊರರೋಗಿಗಳು ಬರುತ್ತಿದ್ದು ಚಿಕಿತ್ಸೆ ಪಡೆದ ರೋಗಿಗಳು ಆಸ್ಪತ್ರೆಯಲ್ಲಿ ದೊರಕದ ಔಷಧಿಗಳಿಗಾಗಿ ಖಾಸಗಿ ಔಷಧಾಲಯಗಳಿಗೆ ತೆರಳಿ ದುಬಾರಿ ಬೆಲೆಗೆ ಔಷಧಿ ಪಡೆಯಬೇಕಾಗಿತ್ತು. ಈಗ ಪ್ರಧಾನಮಂತ್ರಿ ಜನೌಷಧಿ ಕೇಂದ್ರ ಪುನರಾರಂಭಗೊಂಡಿದ್ದರಿಂದ ಕಡಿಮೆ ಬೆಲೆಯಲ್ಲಿ ಔಷಧಿ ಪರಿಕರಗಳನ್ನು ಈ ಕೇಂದ್ರದಿಂದ ಪಡೆಯಬಹುದಾಗಿದೆ.
