ಶಿವಮೊಗ್ಗ :ಜಿಲ್ಲೆಯಲ್ಲಿ ಯುವಕರಲ್ಲಿ ದೇಶಾಭಿಮಾನ ಹಾಗೂ ಸೇನೆಗೆ ಸೇರುವ ಉತ್ಸಾಹವನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ಮತ್ತೊಂದು ಪ್ರಮುಖ ಹೆಜ್ಜೆ ಇಡಲಾಗಿದೆ. ಈಗಾಗಲೇ ನಗರದ ಅಲ್ಲಮಪ್ರಭು ಮೈದಾನದಲ್ಲಿ ಯುದ್ಧ ಟ್ಯಾಂಕ್ (War Tank) ಅನ್ನು ಸ್ಥಾಪಿಸಿದ್ದು, ಇದೀಗ ಅದಕ್ಕೆ ಜೊತೆಯಾಗಿಯಾಗಿ ಭಾರತೀಯ ವಾಯುಸೇನೆಯ ‘ಕಿರಣ್’ ಯುದ್ಧ ವಿಮಾನವನ್ನು ನಗರಕ್ಕೆ ತರಲು ಸಿದ್ಧತೆ ನಡೆಯುತ್ತಿದೆ.
ವಿಶೇಷತೆ ಏನು?
HAL HJT-16 ಕಿರಣ್ ವಿಮಾನವು ಭಾರತೀಯ ವಾಯುಸೇನೆ ಮತ್ತು ನೌಕಾಪಡೆಯ ಪೈಲಟ್ಗಳಿಗೆ ತರಬೇತಿ ನೀಡಲು ಬಳಸಲ್ಪಡುವ ಎರಡು ಸೀಟು (two-seater) ಇರುವ ಯುದ್ಧ ತರಬೇತಿ ವಿಮಾನವಾಗಿದೆ. ಈ ವಿಮಾನವನ್ನು ಹಿಂದುಸ್ತಾನ್ ಏರೊನಾಟಿಕ್ಸ್ ಲಿಮಿಟೆಡ್ (HAL) ಅಭಿವೃದ್ಧಿಪಡಿಸಿದೆ .
ವಿಮಾನದಲ್ಲಿ Armstrong Siddeley Viper ಎಂಜಿನ್ ಅಳವಡಿಸಲಾಗಿದ್ದು, ಸಾಧಾರಣ ಯುದ್ಧವಿಮಾನಗಳ ವೇಗಕ್ಕೆ ಸಮಾನವಾಗಿ ಹಾರಾಟ ನಡೆಸುತ್ತದೆ. ಇದೇ ತರಬೇತಿ ವಿಮಾನದಲ್ಲಿ ಸಾವಿರಾರು ಭಾರತೀಯ ಪೈಲಟ್ಗಳು ತಮ್ಮ ತಾಂತ್ರಿಕ ಪಾಠಗಳನ್ನು ಕಲಿತಿದ್ದಾರೆ.
ಐತಿಹಾಸಿಕ ಹಿನ್ನೆಲೆ:
- ಮೊದಲ ಕಿರಣ್ ವಿಮಾನ 1964ರ ಸೆಪ್ಟೆಂಬರ್ 4ರಂದು ಮೊದಲ ಬಾರಿಗೆ ಹಾರಾಟ ನಡೆಸಿತು.
- ಇದು 50 ವರ್ಷಕ್ಕೂ ಹೆಚ್ಚು ಕಾಲ ವಾಯುಸೇನೆಗೆ ಸೇವೆ ಸಲ್ಲಿಸಿದ ವಿಮಾನವಾಗಿದೆ.
- ವಿಮಾನವು 10.60 ಮೀಟರ್ ಉದ್ದ, 10.90 ಮೀಟರ್ ರೆಕ್ಕೆಗಳ ಅಗಲ, ಮತ್ತು ಸುಮಾರು 4 ಟನ್ ತೂಕ ಹೊಂದಿದೆ.
ಶಿವಮೊಗ್ಗದಲ್ಲಿ ಏಕೆ?
ಯುವಕರಲ್ಲಿ ರಾಷ್ಟ್ರಸೇವೆಯ ಪ್ರೇರಣೆ, ಪದವಿ ಪೂರ್ವ ಹಾಗೂ ಶಾಲಾ ವಿದ್ಯಾರ್ಥಿಗಳಿಗೆ ಸೇನಾ ಉಪಕರಣಗಳ ಕುರಿತ ಅರಿವು, ಮತ್ತು ಪ್ರದರ್ಶನ ಉದ್ದೇಶಕ್ಕಾಗಿ ಈ ವಿಮಾನವನ್ನು ತರುತ್ತಿದ್ದಾರೆ. ಈ ವಿಮಾನವನ್ನು ಅಲ್ಲಮಪ್ರಭು ಮೈದಾನ ಅಥವಾ ನಗರದಲ್ಲಿ ಪ್ರಮುಖ ಸಾರ್ವಜನಿಕ ಸ್ಥಳವೊಂದರಲ್ಲಿ ಪ್ರದರ್ಶಿಸಲು ಯೋಜನೆ ಹಾಕಲಾಗಿದೆ.
hal kiran flight to shivamogga
