ಆಸ್ತಿ ಖರೀದಿಸುತ್ತಿದ್ದೀರಾ? ಈ ನೋಂದಣಿ ಪ್ರಕ್ರಿಯೆಗಳ ತಿಳಿಯದೇ ಮುಂದೆ ಸಾಗಬೇಡಿ!

ಬೆಂಗಳೂರು: ನಿಮ್ಮ ಜೀವನಪೂರ್ತಿ ಗಳಿಸಿದ ಹಣವನ್ನು ನೀವು ಮನೆಯೋ, ಜಮೀನೋ ಅಥವಾ ಬಡಾವಣೆಯಲ್ಲೊಂದು ಪ್ಲಾಟ್ ಖರೀದಿಸಲು ನೋಡುತ್ತಿದ್ದರೆ , ಆ ಆಸ್ತಿಯನ್ನ ಕೊಳ್ಳುವ ಮುಂಚೆ ಯಾವ ದಾಖಲಾತಿಗಳು ಹಾಗು ಪ್ರಕ್ರಿಯೆ ಬಗ್ಗೆ ತಿಳಿಯಿರಿ .

ಆಸ್ತಿ ನೋಂದಣಿ ಏಕೆ ಮುಖ್ಯ?

• ಕಾನೂನುಬದ್ಧ ಮಾಲೀಕತ್ವಕ್ಕಾಗಿ
• ಭವಿಷ್ಯದ ಹಕ್ಕುಗಳ ಘೋಷಣೆಗಾಗಿ
• ಬ್ಯಾಂಕ್ ಸಾಲ ಅಥವಾ ಅಡಮಾನಕ್ಕೆ ಅರ್ಹತೆಗೆ
• ವಂಚನೆ ಹಾಗೂ ಡುಪ್ಲಿಕೇಟ್ ಡಾಕ್ಯುಮೆಂಟ್‌ಗಳಿಂದ ರಕ್ಷಣೆಗಾಗಿ

ಭಾರತದಲ್ಲಿ ಆಸ್ತಿ ನೋಂದಣಿ ಪ್ರಕ್ರಿಯೆ ಹೀಗೆ ಇರುತ್ತದೆ:

1. ಆಸ್ತಿ ಪರಿಶೀಲನೆ – ಮಾಲೀಕತ್ವ, ಲ್ಯಾಂಡ್ ಯುಸ್, ಎನ್‌ಎಒಸಿ ಮುಂತಾದ ಎಲ್ಲಾ ದಾಖಲೆಗಳನ್ನು ಪರಿಶೀಲಿಸಿ.
2. ಮೌಲ್ಯಮಾಪನ – ಸ್ಥಳೀಯ ಪಟ್ಟಿ ಮೌಲ್ಯದ ಆಧಾರದಲ್ಲಿ ಸ್ಟ್ಯಾಂಪ್ ಡ್ಯೂಟಿ ಲೆಕ್ಕ ಹಾಕಬೇಕು.
3. ಡಾಕ್ಯುಮೆಂಟ್ ತಯಾರಿ – ನೋಂದಣಿಗೆ ಅಗತ್ಯವಿರುವ ಎಲ್ಲಾ ದಾಖಲೆಗಳನ್ನು ತಯಾರಿಸಿ (ಸೆಲ್ ಡೀಡ್, ಎನ್‌ಒಸಿ, ಐಡಿ ಪ್ರೂಫ್, ಅಡ್ರೆಸ್ ಪ್ರೂಫ್).
4. ಸ್ಟ್ಯಾಂಪ್ ಡ್ಯೂಟಿ ಪಾವತಿ – ರಾಜ್ಯದ ಪ್ರಕಾರ ಬದಲಾಗುವ ಈ ಶುಲ್ಕವನ್ನು ಆನ್‌ಲೈನ್ ಅಥವಾ ಬ್ಯಾಂಕ್ನ ಮುಖಾಂತರ ಪಾವತಿಸಬಹುದು.
5. ನೋಂದಣಿ ಕಚೇರಿಯಲ್ಲಿ ದಾಖಲೆ ಸಲ್ಲಿಕೆ – ಸಂಬಂಧಿತ ಸಬ್-ರಿಜಿಸ್ಟ್ರಾರ್ ಕಚೇರಿಯಲ್ಲಿ ಡಾಕ್ಯುಮೆಂಟ್ ನ್ನು ದಾಖಲು ಮಾಡಬೇಕು.
6. ಬಯೋಮೆಟ್ರಿಕ್ ಮತ್ತು ಸಹಿ – ಖರೀದಿದಾರ ಮತ್ತು ಮಾರಾಟದಾರರು ಇಬ್ಬರೂ ಕಚೇರಿಗೆ ಹಾಜರಾಗಬೇಕು.

ಆಸ್ತಿ ನೋಂದಣಿ: ನಿಮಗೆ ಆಗುವ ಪ್ರಮುಖ ಪ್ರಶ್ನೆಗಳಿಗೆ ಉತ್ತರಗಳು

ಜಂಟಿ ಹೆಸರಿನಲ್ಲಿ ಆಸ್ತಿಯನ್ನು ನೋಂದಾಯಿಸಬಹುದೇ?

ಉತ್ತರ: ಹೌದು. ಒಂದು ಆಸ್ತಿಯನ್ನು ಒಂದಕ್ಕಿಂತ ಹೆಚ್ಚು ವ್ಯಕ್ತಿಗಳ ಹೆಸರಿನಲ್ಲಿ ಜಂಟಿಯಾಗಿ ನೋಂದಾಯಿಸಬಹುದು. ಆದರೆ, ನೋಂದಣಿ ಪ್ರಕ್ರಿಯೆಯ ವೇಳೆ ಎಲ್ಲಾ ಸಹ-ಮಾಲೀಕರು ಸ್ಥಳದಲ್ಲಿರಬೇಕು ಅಥವಾ ಅವರ ಪವರ್ ಆಫ್ ಅಟಾರ್ನಿ ಮುಖಾಂತರ ಪ್ರತಿನಿಧಿಸಬಹುದು.

ಆಸ್ತಿ ನೋಂದಣಿ ತಡವಾದರೆ ದಂಡಗಳೇನು?

ಉತ್ತರ: ಆಸ್ತಿ ವರ್ಗಾವಣೆ (Sale Deed) ನಡೆದ ದಿನದಿಂದ 4 ತಿಂಗಳ ಒಳಗೆ ನೋಂದಣಿ ಮಾಡಬೇಕು. ತಡವಾದರೆ ದಂಡ ವಿಧಿಸಲಾಗುತ್ತದೆ ಮತ್ತು ಕೆಲವು ಸಂದರ್ಭಗಳಲ್ಲಿ ನೋಂದಣಿಯ ಅವಕಾಶವನ್ನೇ ಕಾನೂನು ನಿರಾಕರಿಸಬಹುದು.

ಅಪ್ರಾಪ್ತ ವಯಸ್ಕರು ನೋಂದಾಯಿತ ಆಸ್ತಿಯನ್ನು ಹೊಂದಬಹುದೇ?

ಉತ್ತರ: ಹೌದು. ಅಪ್ರಾಪ್ತ ವಯಸ್ಕರ ಹೆಸರಿನಲ್ಲಿ ಆಸ್ತಿ ನೋಂದಾಯಿಸಬಹುದು. ಆದರೆ ಅವರು 18 ವರ್ಷದ ವಯಸ್ಸು ತಲುಪುವವರೆಗೆ, ಆ ಆಸ್ತಿಯ ನಿರ್ವಹಣೆ ಕಾನೂನುಪೂರಿತ ಪೋಷಕರಿಂದ (Legal Guardian) ನಡೆಯುತ್ತದೆ.

ಎನ್ಕಂಬರೆನ್ಸ್ ಪ್ರಮಾಣಪತ್ರ (EC) ಎಂದರೇನು ಮತ್ತು ಏಕೆ ಮುಖ್ಯ?

ಉತ್ತರ: ಆಸ್ತಿಯು ಯಾವುದೇ ಸಾಲ ಅಥವಾ ಕಾನೂನು ಬಾಧ್ಯತೆಗಳಿಂದ ಮುಕ್ತವಿದೆ ಎಂಬುದನ್ನು ದೃಢಪಡಿಸುವ ಅಧಿಕೃತ ದಾಖಲೆ ಇದು. ಬ್ಯಾಂಕ್‌ ಸಾಲ ಪಡೆಯಲು ಮತ್ತು ಮಾಲೀಕತ್ವದಲ್ಲಿ ಯಾವುದೇ ಅಡಚಣೆ ಇಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಲು ಇದನ್ನು ಅನಿವಾರ್ಯವಾಗಿ ತಯಾರಿಸಬೇಕು.

ಖರೀದಿದಾರರಿಲ್ಲದೆ ಆಸ್ತಿಯನ್ನು ನೋಂದಾಯಿಸಬಹುದೇ?

ಉತ್ತರ: ಹೌದು. ಖರೀದಿದಾರ ಅಥವಾ ಮಾರಾಟಗಾರ ಹಾಜರಾಗಲಾಗದ ಪರಿಸ್ಥಿತಿಯಲ್ಲಿ, ಅವರ ಪವರ್ ಆಫ್ ಅಟಾರ್ನಿ (Power of Attorney) ಹೊಂದಿರುವ ವ್ಯಕ್ತಿ ಅವರ ಪರವಾಗಿ ನೋಂದಣಿ ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳಬಹುದು.

ಆಸ್ತಿ ನೋಂದಣಿಯ ಒಟ್ಟು ವೆಚ್ಚ ಎಷ್ಟು?

ಉತ್ತರ: ಇದು ರಾಜ್ಯದ ಪ್ರಕಾರ ಭಿನ್ನವಾಗುತ್ತದೆ. ಸಾಮಾನ್ಯವಾಗಿ ನೀವು ನಿಗದಿತ ಸ್ಟ್ಯಾಂಪ್ ಡ್ಯೂಟಿ (Stamp Duty) ಮತ್ತು ನೋಂದಣಿ ಶುಲ್ಕ (Registration Charges) ಪಾವತಿಸಬೇಕು. ಉದಾಹರಣೆಗೆ, ಕರ್ನಾಟಕದಲ್ಲಿ ಸ್ಟ್ಯಾಂಪ್ ಡ್ಯೂಟಿ ಸಾಮಾನ್ಯವಾಗಿ ಆಸ್ತಿಯ ಮೌಲ್ಯದ 5.6% ಇರಬಹುದು, ನೋಂದಣಿ ಶುಲ್ಕವು ಹೆಚ್ಚಾಗಿ 1% ಇರುತ್ತದೆ.

Read More:ಈ ಸಮುದಾಯದವರಿಗೆ 2025–26ನೇ ಸಾಲಿನ ಸಾಲ ಸೌಲಭ್ಯಗಳಿಗೆ ಅರ್ಜಿ ಆಹ್ವಾನ