ಶಿಕಾರಿಪುರ
ಈಡಿಗ ಸಮಾಜದ ಒಳಪಂಗಡಗಳು ಒಂದಾಗದಿದ್ದರೆ ಅಸ್ತಿತ್ವಕ್ಕೆ ಧಕ್ಕೆ: ಉಪನ್ಯಾಸಕಿ ಡಿ.ಪಿ. ಪ್ರತಿಭಾ
ಶಿಕಾರಿಪುರ: “ರಾಜ್ಯದಾದ್ಯಂತ ವಿಸ್ತರಿಸಿರುವ ಈಡಿಗ ಸಮಾಜದ ಜನರು ಬೇರೆ ಬೇರೆ ಪ್ರದೇಶಗಳಲ್ಲಿ ಭಿನ್ನ ಹೆಸರುಗಳಿಂದ ಗುರುತಿಸಿಕೊಂಡಿದ್ದಾರೆ. ದಕ್ಷಿಣ ಕನ್ನಡದಲ್ಲಿ ಪೂಜಾರಿ, ಮಲೆನಾಡು ಭಾಗಗಳಾದ ಸಾಗರ, ಸೊರಬ, ತೀರ್ಥಹಳ್ಳಿ ಹಾಗೂ ಹೊಸನಗರಗಳಲ್ಲಿ ದೀವರು, ಶಿರಸಿ ಪ್ರದೇಶದಲ್ಲಿ ನಾಮಧಾರಿ ನಾಯಕರು ಮತ್ತು ಬೆಂಗಳೂರು-ಮೈಸೂರು ಭಾಗಗಳಲ್ಲಿ ಈಡಿಗರು ಎಂದು ಕರೆಯಲ್ಪಡುತ್ತಾರೆ. ಈ ಎಲ್ಲ ಒಳಪಂಗಡಗಳು ಒಂದಾಗದಿದ್ದರೆ ಸಮುದಾಯದ ಅಸ್ತಿತ್ವವೇ ಚಿದ್ರವಾಗುತ್ತದೆ” ಎಂದು ಶಿವಮೊಗ್ಗದ ಬಸವೇಶ್ವರ ಪದವಿಪೂರ್ವ ಕಾಲೇಜಿನ ಇತಿಹಾಸ ಉಪನ್ಯಾಸಕಿ ಡಿ.ಪಿ. ಪ್ರತಿಭಾ ಎಚ್ಚರಿಸಿದರು.
