ಹೊಸನಗರ : ಲಿಂಗನಮಕ್ಕಿ ಜಲಾಶಯಕ್ಕೆ ನೀರುಣಿಸುವ ಪ್ರಧಾನ ಜಲಾನಯನ ಪ್ರದೇಶವಾದ ಹೊಸನಗರ ತಾಲೂಕಿನಾದ್ಯಂತ ಮಳೆ ಅಬ್ಬರ ಜೋರಾಗಿದ್ದು ಕಳೆದ 24 ಗಂಟೆಗಳಲ್ಲಿ ಜಲಾಶಯಕ್ಕೆ ಎರಡೂವರೆ ಅಡಿ ನೀರು ಸಂಗ್ರಹವಾಗಿದ್ದು ಜಲಾಶಯದ ನೀರಿನ ಸಂಗ್ರಹ ಕಳೆದ ವರ್ಷಕ್ಕಿಂತ 23 ಅಡಿಗಳಷ್ಟು ಕಡಿಮೆ ಇದೆ.
ಇಂದು ಬೆಳಗ್ಗೆ 8:00 ಕ್ಕೆ ಜಲಾಶಯದ ನೀರಿನ ಮಟ್ಟ 1749.35 ಅಡಿಗಳಷ್ಟು ತಲುಪಿದ್ದು ಜಲಾಶಯಕ್ಕೆ 22157 ಕ್ಯೂಸೆಕ್ಸ್ ನೀರು ಹರಿದು ಬರುತ್ತಿದೆ.
ಇಂದು ಬೆಳಗ್ಗೆ 8:00 ಗಂಟೆಗೆ ಅಂತ್ಯಗೊಂಡಂತೆ ಕಳೆದ 24 ಗಂಟೆಗಳಲ್ಲಿ ತಾಲೂಕಿನ ಚಕ್ರಾನಗರ, 98 ಬಿದನೂರುನಗರ 93, ಮಾಣಿ 92, ಮಾಸ್ತಿಕಟ್ಟೆ 90, ಹೊಸನಗರ ಹಾಗೂ ಯಡೂರು 86, ಹುಲಿಕಲ್ 81 ಮತ್ತು ಸಾವೇಹಕ್ಲುವಿನಲ್ಲಿ 80 ಮಿಲಿ ಮೀಟರ್ ಮಳೆ ದಾಖಲಾಗಿದೆ.
ಮಾಣಿ ಜಲಾಶಯಕ್ಕೆ 2725 ಕ್ಯೂಸೆಕ್ ಒಳ ಹರಿವು ಇದೆ. ನೀರಿನ ಮಟ್ಟ 572.24 ಎಂಎಸ್‌ಎಲ್‌ಗೆ ತಲುಪಿದೆ. ಕಳೆದ ವರ್ಷ ಈ ದಿನ ನೀರಿನ ಮಟ್ಟ 576.24 ಎಂಎಸ್‌ಎಲ್‌ ಇತ್ತು.
ಪಿಕ್‌ಅಪ್‌ ಡ್ಯಾಂಗೆ 543 ಕ್ಯೂಸೆಕ್ ಒಳ ಹರಿವು ಇದೆ. ಪ್ರಸ್ತುತ ನೀರಿನ ಮಟ್ಟ 562.10 ಎಂಎಸ್‌ಎಲ್‌ ಇದೆ. 969 ಕ್ಯೂಸೆಕ್ ಹೊರ ಹರಿವು ಇದೆ.
ಚಕ್ರಾ ಜಲಾಶಯ 1157 ಕ್ಯೂಸೆಕ್ ಒಳ ಹರಿವು ಇದೆ. ಇವತ್ತು ನೀರಿನ ಮಟ್ಟ 566.66 ಎಂಎಸ್‌ಎಲ್‌ ಇದೆ. ಕಳೆದ ವರ್ಷ ಈ ದಿನ ನೀರಿನ ಮಟ್ಟ 574.62 ಎಂಎಸ್‌ಎಲ್‌ ಇತ್ತು.
ಸಾವೆಹಕ್ಲು ಡ್ಯಾಂಗೆ 1368 ಕ್ಯೂಸೆಕ್ ಒಳ ಹರಿವು ಇದ್ದು, ನೀರಿನ ಮಟ್ಟ 574.30 ಎಂಎಸ್‌ಎಲ್‌ ಇದೆ.
ಮಳೆ ಅಬ್ಬರ ಜೋರಾಗಿರುವ ಕಾರಣ ಮಕ್ಕಳ ಸುರಕ್ಷತಾ ದೃಷ್ಟಿಯಿಂದ ನಿಟ್ಟೂರು ಕ್ಲಸ್ಟರ್ ಮತ್ತು ನಗರ ಹೋಬಳಿ ವ್ಯಾಪ್ತಿಯ ಶಾಲೆಗಳಿಗೆ ಇಂದು ರಜೆ ಘೋಷಿಸಲಾಗಿದೆ. ರಾತ್ರಿ ಕೊಂಚ ಮಳೆ ಕಡಿಮೆ ಇದ್ದು ಬೆಳಗ್ಗೆಯಿಂದ ಧಾರಾಕಾರವಾಗಿ ಸುರಿಯುತ್ತಿದೆ.
