ಹೊಂಬುಜ ; ಶರಾವತಿ ಪಂಪ್ಡ್ ಸ್ಟೋರೇಜ್ ಯೋಜನೆಯನ್ನು ಶ್ರೀ ಕ್ಷೇತ್ರ ಹೊಂಬುಜ ಪರಮಪೂಜ್ಯ ಜಗದ್ಗುರು ಸ್ವಸ್ತಿಶ್ರೀ ಡಾ. ದೇವೇಂದ್ರಕೀರ್ತಿ ಭಟ್ಟಾರಕ ಮಹಾಸ್ವಾಮೀಜಿ ತೀವ್ರ ವಿರೋಧ ವ್ಯಕ್ತಪಡಿಸಿದ್ದಾರೆ.
ಈ ಕುರಿತು ಪತ್ರಿಕಾ ಪ್ರಕಟಣೆ ಬಿಡುಗಡೆ ಮಾಡಿರುವ ಶ್ರೀಗಳು, ಗೇರುಸೊಪ್ಪ, ರಾಣಿ ಚನ್ನಭೈರವದೇವಿಯ ಐತಿಹಾಸಿಕ ರಾಜಧಾನಿ. ಇಂದಿಗೂ ಅನೇಕ ಜೈನ ದೇವಾಲಯಗಳು, ಸಾಂಸ್ಕೃತಿಕ ಸ್ಮಾರಕಗಳು ಹಾಗೂ ಅರಣ್ಯ ಸೌಂದರ್ಯವನ್ನು ಹೊತ್ತುಕೊಂಡಿರುವ ಈ ಪ್ರದೇಶವು ನಮ್ಮ ಪರಂಪರೆಯ ಹೆಮ್ಮೆ.
ಪ್ರಸ್ತಾಪವಾಗಿರುವ ಶರಾವತಿ ಪಂಪ್ಡ್ ಸ್ಟೋರೇಜ್ ಪ್ರಾಜೆಕ್ಟ್ ಗೇರುಸೊಪ್ಪ ಪ್ರದೇಶದ ಐತಿಹಾಸಿಕ ಸ್ಮಾರಕಗಳನ್ನು ನಾಶಮಾಡುವುದರ ಜೊತೆಗೆ, ಅರಣ್ಯಗಳನ್ನು ಮುಳುಗಿಸುವ ಮೂಲಕ ಅನೇಕ ಜೀವಜಲ, ಪಕ್ಷಿ-ಪ್ರಾಣಿ, ಮತ್ತು ಸಸ್ಯಗಳನ್ನು ಅಪಾಯಕ್ಕೊಳಪಡಿಸುತ್ತದೆ.
ಈ ಯೋಜನೆ ಅನುಷ್ಠಾನಗೊಂಡರೆ :
ಐತಿಹಾಸಿಕ ನಾಶ: ರಾಣಿ ಚನ್ನಭೈರವದೇವಿಯ ಕಾಲದ ಸ್ಮಾರಕಗಳು ಅಳಿದು ಹೋಗುತ್ತವೆ.
ಪರಿಸರ ಹಾನಿ: ದಟ್ಟ ಅರಣ್ಯಗಳು ಮುಳುಗಿ ಜೀವವೈವಿಧ್ಯ ನಾಶವಾಗುತ್ತದೆ.
ಸಮುದಾಯ ಹಾನಿ: ಸ್ಥಳೀಯ ಜನರ ಬದುಕು, ಸಂಸ್ಕೃತಿ, ಆಸ್ಥೆ ಅಪಾಯಕ್ಕೊಳಗಾಗುತ್ತದೆ.
ಅದಕ್ಕಾಗಿ ಸರ್ಕಾರ ಮತ್ತು ಆಡಳಿತವು ಈ ಯೋಜನೆಯನ್ನು ತಕ್ಷಣ ನಿಲ್ಲಿಸಿ, ಗೇರುಸೊಪ್ಪವನ್ನು ಐತಿಹಾಸಿಕ ಹಾಗೂ ಪರಿಸರ ಸಂವೇದನಾಶೀಲ ಕ್ಷೇತ್ರವೆಂದು ಘೋಷಿಸಬೇಕೆಂದು ಅವರು ಒತ್ತಾಯಿಸಿದ್ದಾರೆ.
ಮಲೆನಾಡಿನ ಹೆಬ್ಬಾಗಿಲು ಶಿವಮೊಗ್ಗದ ಸ್ಥಳೀಯ ನ್ಯೂಸ್ ವೆಬ್‌ಸೈಟ್‌ಗಳಲ್ಲಿ ಪ್ರತಿನಿಧಿಯಾಗಿ ವೃತ್ತಿ ಜೀವನ ಪ್ರಾರಂಭ. ಪತ್ರಿಕೋದ್ಯಮದಲ್ಲಿ 7 ವರ್ಷಗಳ ಅನುಭವ. ಜಿಲ್ಲಾ ಮಟ್ಟದ ದಿನಪತ್ರಿಕೆಗಳಲ್ಲಿ ಹಾಗೂ ವೆಬ್‌ಸೈಟ್‌ಗಳಲ್ಲಿ ಮಲೆನಾಡಿಗೆ ಸಂಬಂಧಿಸಿದ ವಿಷಯಗಳ ಲೇಖನಗಳನ್ನು ಬರೆದಿದ್ದೇನೆ. ಪ್ರಸ್ತುತ ‘ಮಲ್ನಾಡ್ ಟೈಮ್ಸ್’ ಡಿಜಿಟಲ್ ನಲ್ಲಿ ಸಂಪಾದಕನಾಗಿ ಮುಂದುವರೆದಿದ್ದೇನೆ.
