ಶಿವಮೊಗ್ಗ : ಸಾರಿಗೆ ಇಲಾಖೆಯಲ್ಲಿ ಬಾಕಿ ಇರುವ ವಾಹನ ಸಂಚಾರ ನಿಯಮ ಉಲ್ಲಂಘನೆ ಪ್ರಕರಣಗಳಿಗೆ ವಿಶೇಷ ರಿಯಾಯಿತಿಯನ್ನು ಘೋಷಿಸಲಾಗಿದೆ.
ಹೌದು, ಶಿವಮೊಗ್ಗ ಪ್ರಾದೇಶಿಕ ಸಾರಿಗೆ ಅಧಿಕಾರಿ ಮುರುಗೇಂದ್ರ ಬಿ. ಶಿರೋಳ್ಕರ್ ಮಾಹಿತಿ ನೀಡಿದಂತೆ, 1991ರಿಂದ 2022ರೊಳಗಿನ ಪ್ರಕರಣಗಳಿಗೆ ಶೇ. 50ರಷ್ಟು ದಂಡ ರಿಯಾಯಿತಿ ದೊರೆಯಲಿದೆ. ಈ ರಿಯಾಯಿತಿ ನಿರ್ದಿಷ್ಟ ಅವಧಿಗೆ ಮಾತ್ರ ಅನ್ವಯಿಸುವುದಾಗಿ ತಿಳಿಸಲಾಗಿದೆ.
ಪ್ರಾದೇಶಿಕ ಸಾರಿಗೆ ಕಚೇರಿ ಅಧಿಕಾರಿಗಳಿಂದ ದಾಖಲಿಸಲಾದ ಈ ಅವಧಿಯೊಳಗಿನ ಪ್ರಕರಣಗಳನ್ನು ಈ ಅವಕಾಶದಿಂದ ಮುಕ್ತಾಯಗೊಳಿಸಬಹುದಾಗಿದೆ.
ಶಿವಮೊಗ್ಗ ಜಿಲ್ಲೆಯಲ್ಲಿ ಈ ಅವಧಿಗೆ ಸಂಬಂಧಿಸಿದ 790 ಪ್ರಕರಣಗಳು ಇನ್ನು ಬಾಕಿಯಾಗಿದೆ. ವಾಹನ ಮಾಲೀಕರು 21 ಜೂನ್ 2026ರಿಂದ 10 ಜುಲೈ 2026ರೊಳಗೆ ಈ ರಿಯಾಯಿತಿಯನ್ನು ಉಪಯೋಗಿಸಿ ತಮ್ಮ ದಂಡಗಳನ್ನು ಪಾವತಿಸಬೇಕು ಎಂದು ಅಧಿಕಾರಿಗಳು ಸೂಚಿಸಿದ್ದಾರೆ.
ವಾಹನ ಮಾಲೀಕರು ಈ ಅವಕಾಶವನ್ನು ನಿಗದಿತ ಸಮಯದಲ್ಲಿ ಉಪಯೋಗಿಸಿಕೊಂಡು ಸಹಕಾರ ನೀಡುವಂತೆ ವಿನಂತಿ ಮಾಡಲಾಗಿದೆ. ಈ ಮೂಲಕ ವಾಹನ ಸಂಚಾರ ನಿಯಮ ಉಲ್ಲಂಘನೆ ಪ್ರಕರಣಗಳನ್ನು ಸರಳವಾಗಿ ಮುಕ್ತಾಯಗೊಳಿಸಲು ಸಾರ್ವಜನಿಕರಿಗೆ ಸುವರ್ಣಾವಕಾಶ ಸಿಗಲಿದೆ.
