ಹೊಸನಗರ : ನಿಟ್ಟೂರು ಗ್ರಾಮಪಂಚಾಯಿತಿಗೆ ಎರಡನೇ ಅವಧಿಗೆ ನೂತನ ಅಧ್ಯಕ್ಷರಾಗಿ ಚಂದ್ರಾವತಿ ಶೆಟ್ಟಿ ಹಾಗೂ ಉಪಾಧ್ಯಕ್ಷರಾಗಿ ವಿನೋದ ಗುರುಮೂರ್ತಿ ಆಯ್ಕೆಯಾಗಿದ್ದಾರೆ.
ಸಾಮಾನ್ಯ ಮಹಿಳೆ ಅಧ್ಯಕ್ಷ ಹಾಗೂ ಪರಿಶಿಷ್ಟ ಜಾತಿಯ ಮಹಿಳೆ ಉಪಾಧ್ಯಕ್ಷ ಸ್ಥಾನ ಮೀಸಲಾತಿ ಪ್ರಕಟವಾಗಿತ್ತು. ಕಳೆದ ಅವಧಿಯಲ್ಲಿ ಅಧ್ಯಕ್ಷರಾಗಿದ್ದ ವಿನೋದ ಗುರುಮೂರ್ತಿಯವರು ಪರಿಶಿಷ್ಟ ಮಹಿಳೆಯಾಗಿದ್ದು, ಎಲ್ಲಾ ಸದಸ್ಯರ ಪೈಕಿ ವಿನೋದ ಒಬ್ಬರೆ ಪರಿಶಿಷ್ಟ ಮಹಿಳೆಯಾಗಿರುವ ಕಾರಣ ಅವರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.
ಅಧ್ಯಕ್ಷರ ಸ್ಥಾನಕ್ಕೆ ಯಶೊಧಮ್ಮ ಹಾಗೂ ಚಂದ್ರಾವತಿ ಶೆಟ್ಟಿ ನಾಮ ನಿರ್ದೇಶನ ಮಾಡಿದ್ದು, ಒಟ್ಟು 13 ಮತಗಳ ಪೈಕಿ ಯಶೋಧಮ್ಮ 6 ಮತ ಪಡೆದರೆ, ಚಂದ್ರಾವತಿ ಶೆಟ್ಟಿ 7 ಮತ ಪಡೆದು ಜಯಭೇರಿ ಭಾರಿಸಿದ್ದಾರೆ.
ಚುನಾವಣಾಧಿಕಾರಿಯಾಗಿ ಹೊಸನಗರ ಕೃಷಿ ಇಲಾಖೆ ಅಧಿಕಾರಿ ಸಚಿನ್ ಹೆಗಡೆ ಕರ್ತವ್ಯ ನಿರ್ವಹಿಸಿದರು. ನಗರ ಆರಕ್ಷಕ ಠಾಣೆಯ ಪಿಎಸ್ ಐ ಹಾಗೂ ಸಿಬ್ಬಂದಿ ಉಪಸ್ಥಿತರಿದ್ದರು.
