ಹೊಸನಗರ: ನೂತನವಾಗಿ ಹೊಸನಗರ ಪೊಲೀಸ್ ಠಾಣೆಗೆ ಆಗಮಿಸಿದ ಸಬ್ ಇನ್ಸ್‌ಪೆಕ್ಟರ್ ರಾಜರೆಡ್ಡಿ ತಮ್ಮ ಸಿಬ್ಬಂದಿಗಳೊಂದಿಗೆ ಹೊಸನಗರ ಪಟ್ಟಣದಲ್ಲಿ ಪಥ ಸಂಚಲನ ನಡೆಸಿದರು.
ನಂತರ ಮಾತನಾಡಿದ ನೂತನ ಪಿಎಸ್ಐ ರಾಜರೆಡ್ಡಿ, ನಾವು ಹೊಸ ಊರಿಗಳಿಗೆ ಭೇಟಿ ನೀಡಿದಾದ ನಮಗೆ ಊರಿನ ಬಗ್ಗೆ ಪರಿಚಯವಿರುವುದಿಲ್ಲ. ನಾವು ವಾಹನದಲ್ಲಿ ಓಡಾಟ ನಡೆಸುವುದರಿಂದ ಸ್ಥಳ ಪರಿಚಯವಾಗುವುದಿಲ್ಲ ಹಾಗೂ ಊರಿನ ಜನಗಳ ಬಗ್ಗೆ ಪರಿಚಯವಾಗುವುದಿಲ್ಲ. ಕಾಲ್ನಡಿಗೆ ಮೂಲಕ ಪ್ರತಿಯೊಂದು ಸ್ಥಳಗಳು ನಮಗೆ ಹಾಗೂ ನಮ್ಮ ಸಿಬ್ಬಂದಿಗಳಿಗೆ ಪರಿಚಯವಿದ್ದರೆ ಒಳ್ಳೆಯದು ಎಂಬ ಕಾರಣದಿಂದ ಕಾಲ್ನಡಿಗೆಯ ಮೂಲಕ ಸ್ಥಳ ಪರಿಚಯ ಮಾಡಿಕೊಳ್ಳುತ್ತಿದ್ದೇವೆ ಎಂದರು.
