ಹೊಸನಗರ: ಪಟ್ಟಣದ ಚೌಡಮ್ಮ ರಸ್ತೆ ಪಕ್ಕದಲ್ಲಿದ್ದ ಮರ ಉರುಳಿ ಬಿದ್ದು ಹಾಪ್‌ಕಾಮ್ಸ್ ಮಳಿಗೆ ನೆಲಸಮವಾದ ಘಟನೆ ನಡೆದಿದೆ.
ಮರ ರಸ್ತೆ ಅಂಚಿನಲ್ಲಿದ್ದು, ಬೀಳುವ ಸಮಯದಲ್ಲಿ ಮರದಡಿಯಲ್ಲಿ ವಾಹನಗಳನ್ನು ನಿಲ್ಲಿಸಲಾಗಿತ್ತು. ರಸ್ತೆಯಲ್ಲಿ ಸಹಾ ಸಂಚಾರವಿತ್ತು. ಮರಕ್ಕೆ ಹೊಂದಿಕೊಂಡಂತೆ ವಿದ್ಯುತ್ ಕಂಬ, ತಂತಿ ಇತ್ತು. ಇನ್ನೊಂದು ಭಾಗದಲ್ಲಿ ಕಳೂರು ಸಹಕಾರ ಸಂಘದ ಗೊಬ್ಬರದ ಗೋದಾಮು ಇತ್ತು. ಆದರೆ ಮರ ಇದ್ಯಾವುದರ ಮೇಲೂ ಬೀಳದೇ ಇನ್ನೊಂದು ಪಾರ್ಶ್ವದಲ್ಲಿದ್ದ ನೂತನ ಮಳಿಗೆ ಮೇಲೆ ಉರುಳಿತು. ನೂತನ ಮಳಿಗೆ ಇನ್ನೂ ಲೋಕಾರ್ಪಣೆಗೊಂಡಿರಲಿಲ್ಲ. ಹಾಗಾಗಿ ಮಳಿಗೆಯಲ್ಲಿ ಯಾರೂ ಇರಲಿಲ್ಲ.
ಮರ ಬೀಳುವ ಸಮಯದಲ್ಲಿ ವಿದ್ಯುತ್ ಕಂಬಕ್ಕೆ ಸ್ವಲ್ಪತಾಗಿದೆಯಾದರೂ, ತುಂಡಾಗಲಿಲ್ಲ. ಒಟ್ಟಿನಲ್ಲಿ ಹಲವು ರೀತಿಯಲ್ಲಿ ನಾಗರಿಕರಿಗೆ ಅಪಾಯ ಒಡ್ಡಬಹುದಹಾಗಿದ್ದ ಮರ ಧರಶಾಹಿಯಾಗಿದ್ದು ಅದೃಷ್ಟವಶಾತ್ ಹೆಚ್ಚಿನ ಸಮಸ್ಯೆ ಉಂಟಾಗಿಲ್ಲ.
