ಬಾಳೆಬರೆ ಚಂಡಿಕಾಂಬಾ ದೇವಸ್ಥಾನದಲ್ಲಿ ಫೆ.23 ರಿಂದ 25ರ ವರೆಗೆ ವಾರ್ಷಿಕೋತ್ಸವ ಹಾಗೂ ರಥೋತ್ಸವ

ಹೊಸನಗರ: ತಾಲ್ಲೂಕಿನ ಬಾಳೆಬರೆ ಹುಲಿಕಲ್ ಶ್ರೀ ಚಂಡಿಕಾಂಬಾ ದೇವಸ್ಥಾನದ ಆವರಣದಲ್ಲಿ ಫೆ. 23ರಿಂದ 25ರವರೆಗೆ ದೇವಸ್ಥಾನದ ವಾರ್ಷಿಕೋತ್ಸವ ಹಾಗೂ ರಥೋತ್ಸವ ಕಾರ್ಯಕ್ರಮವನ್ನು ಏರ್ಪಡಿಸಲಾಗಿದೆ ಎಂದು ಧರ್ಮದರ್ಶಿಗಳು ಈ ಮೂಲಕ ಕೇಳಿಕೊಂಡಿದ್ದಾರೆ.

ಫೆ.23ರಿಂದ 25ರವರೆಗೆ ನಡೆಯುವ ಈ ದೇವಸ್ಥಾನದ ಆವರಣದಲ್ಲಿ
ಶುಕ್ರವಾರ ಬೆಳಿಗ್ಗೆ ಫಲಸಮರ್ಪಣೆ, ಗುರುಗಣಪತಿ ಪೂಜೆ, ಪಂಚಗವ್ಯ, ಪುಣ್ಯಾಹಾವಚನ, ದೇವನಾಂದಿ, ಧ್ವಜಾಧಿವಾಸ ಹೋಮ, ಸಿಂಃಆಧಿವಾಸಹೋಮ, ಧ್ವಜಾರೋಹಣ ನಂತರ ಸಿದ್ಧಿ ವಿನಾಯಕ ದೇವರ ಸನ್ನಿಧಿಯಲ್ಲಿ 12 ಕಾಯಿ ಗಣಹೋಮ, ಅಧಿವಾಸ ಹೋಮ, ಕಲಶಾಭಿಷೇಕ ಮಹಾಪೂಜೆ, ಪರಿಹಾರ ದೇವತೆಗಳಿಗೆ ಕಲಶಸ್ಥಾಪನೆ ಕಲಾತತ್ವ ಹೋಮ, ಪುರಸ್ಸರ ಕಲಶಾಭೀಷೇಕ ಮಹಾ ಪೂಜೆ, ಸಂಜೆ 5ಗಂಟೆಗೆ ವಿಶೇಷ ವಾದ್ಯ ಕೀಲುಕುದುರೆ ಕುಣಿತದೊಂದಿಗೆ ಶ್ರೀ ದೇವಿಯ ಪುರಮೆರವಣಿಗೆ (ಹುಲಿಕಲ್) ರಾಜಬೀದಿ ಉತ್ಸವ ರಾತ್ರಿ ಸಿಗಂದೂರು ಕ್ಷೇತ್ರ ಮಹಾತ್ಮೆ ಯಕ್ಷಗಾನ ಬಯಲಾಟ, ಫೆ. 24ರಂದು ಚಂಡಿಕಾ ಹೋಮ ಬ್ರಹ್ಮರಥೋತ್ಸವ ಸಾರ್ವಜನಿಕ ಅನ್ನಸಂತರ್ಪಣೆ ಸಂಜೆ ವಿಶೇಷ ರಂಗಪೂಜೆ, ಫೆ. 25ರಂದು ಭಾನುವಾರ ಗುರುಗಣಪತಿಪೂಜೆ ಪುಣ್ಯಾಹ, ಪಂಚಗವ್ಯ, ಅವಭೃತಸ್ನಾನ ಚೂಣೋತ್ಸವ ಮಧ್ಯಾಹ್ನ ಸತ್ಯನಾರಾಯಣಪೂಜೆ ರಾಷ್ಟ್ರೋಶೀರ್ವಾದ ಕಾರ್ಯಕ್ರಮ ನಡೆಯಲಿದ್ದು  ಭಕ್ತಾದಿಗಳು ಸಾರ್ವಜನಿಕರು ಆಗಮಿಸಿ ಈ ದೇವತಾ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿಕೊಡಬೇಕೆಂದು ಈ ಮೂಲಕ ಕೇಳಿಕೊಂಡಿದ್ದಾರೆ.