ಶಿವಮೊಗ್ಗ: ಶುಕ್ರವಾರ ಸಂಜೆ ನಗರದ ಪ್ರಮುಖ ವೃತ್ತಗಳಲ್ಲಿ ಸಂಚಾರಿ ಪೋಲೀಸರು ಹಾಫ್ ಹೆಲ್ಮೆಟ್ ಧರಿಸಿ ದ್ವಿಚಕ್ರ ವಾಹನ ಚಾಲನೆ ಮಾಡುವವರನ್ನು ತಡೆದು, ಸಾವಿರಾರು ಹಾಫ್ ಹೆಲ್ಮೆಟ್‌ಗಳನ್ನು ವಶಪಡಿಸಿಕೊಂಡರು.
ಬೈಕ್ ಸವಾರರಿಗೆ ದಂಡವನ್ನು ವಿಧಿಸದೆ ಉತ್ತಮ ಗುಣಮಟ್ಟದ ಫುಲ್ ಹೆಲ್ಮೆಟ್ ಧರಿಸುವಂತೆ ತಾಕೀತು ಮಾಡಲಾಯಿತು.
ಹಾಫ್ ಹೆಲ್ಮೆಟ್ ಧರಿಸಿದವರೆ ಖುದ್ದಾಗಿ ಬಂದು ಬಿಸಾಕಿ ಹೋಗುತ್ತಿದ್ದುದನ್ನು ಕಂಡು ಅಲ್ಲಿ ನೆರೆದಿದ್ದ ಸಾರ್ವಜನಿಕರಿಗೆ ಪುಕ್ಕಟ್ಟೆ ಮನರಂಜನೆ ದೊರೆಯಿತು.
ಗೋಪಿ ವೃತ್ತದ ಬಳಿ ನಡೆದ ಕಾರ್ಯಾಚರಣೆಯನ್ನು ಸ್ವತಃ ಜಿಲ್ಲಾ ರಕ್ಷಣಾಧಿಕಾರಿ ಮಿಥುನ್ ಕುಮಾರ್ ವೀಕ್ಷಿಸಿದರು. ಈ ಸಂದರ್ಭದಲ್ಲಿ ಪ್ರಮುಖ ಪೊಲೀಸ್ ಅಧಿಕಾರಿಗಳಾದ ಡಿಎಸ್ಪಿ ಸುರೇಶ್, ಪಿ ಐ ಸಂತೋಷ್ ಕುಮಾರ್, ಪಿಎಸ್ಐ ತಿರುಮಲೇಶ್, ಹಾಗೂ ಪೊಲೀಸ್ ಸಿಬ್ಬಂದಿಗಳು ಕಾರ್ಯಾಚರಣೆಯಲ್ಲಿ ಭಾಗಿಯಾಗಿದ್ದರು.
ಯಾವುದೇ ರೀತಿಯ ಗೊಂದಲವಿಲ್ಲದೆ ನಡೆಸಿದ ಉತ್ತಮ ಕಾರ್ಯಾಚರಣೆಗೆ ಮೆಚ್ಚಿದ ಸಾರ್ವಜನಿಕರೇ ಸಿಹಿ ಹಂಚಿದ್ದು ವಿಶೇಷವಾಗಿತ್ತು.
